گه‌ڕان

Shadow Shadow
سیاسه‌تی

وردەکاری

ئەمریکا و ئێران چەک و هێزی خۆیان نیشانی یەکتر دەدەن وەک هەڕەشە

2021.01.08 - 13:44
App store icon Play store icon Play store icon
ئەمریکا و ئێران چەک و هێزی خۆیان نیشانی یەکتر دەدەن وەک هەڕەشە

ناس کورد-

سوپای ئەمریکا دوو فڕۆکەی شەڕکەری لە جۆری بی 52 ناردە ئاسمانی ڕۆژهەڵاتی ناوەڕاست، ئێرانیش بە نیشاندانی هێزی موشەکیی خۆی بەرپەچی هەڕەشەکان دەداتەوە.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا کە "ناس کورد" بەدواداچوونی بۆ کردووە، هێزی ئاسمانی ئەمریکا دەڵێت، دواین ئەرک کە ناردنی دوو فڕۆکەی "بی 52" بوو، "ئەوەش بۆ نیشاندانی پابەندبوونی سوپای ئەمریکایە بە ئاسایشی هەرێمی و بەرپەچدانەوەى دەستدرێژییەکانە"، ئەوەش دوای ناکۆکی و بارگرژییەکانی نێوان ئەمریکا و ئێران گەیشتووەتە ئەوپەڕی بە تایبەت لە ساڵیادی کوشتنی قاسم سولەیمانی.

 

باسی لەوەشکردووە کە "ئەو سازشێک ناکەین لە وەڵامدانەوەى هەر هێرشێک بکرێتە سەر بەرژەوەندییەکانی ئەمریکا لە ناوچەکە."

 

لە بەرامبەردا هەر ئەمڕۆ هەینی، سوپای پاسدارانی ئێران وەک نیشاندانی هێزی دەریایی خۆی، بە ئامادەیی حسێن سەلامی، فەرماندەی گشتیی پاسداران کۆگایەکی گەورەی موشەکی دەریایی ئاشکرا کرد کە لەژێر زەویدا حەشار دراون.

 

حسێن سەلامی سەردانی ئەو بنکە سەربازییەی کرد و ڕایگەیاند، "بەرگریی لە یەکرتووی خاکی ئێران و سەربەخۆیی و هێزەکەمان دەکەین."

 

وتیشی، "هیچ ڕێگایەک لە بەردەم ئێراندا نەماوە جگە لە زیادکردنی هێزی بەرگریی و هێرشی خۆی بۆئەوەى ڕێگری لە دوژمنێک بکات کە دەیەوێت دەسەڵاتی خۆی بسەپێنێت."

 

باسی لەوەشکرد، "بنکەی موشەکیمان چەند کیلۆمەترێک درێژ و سوپای دەریاییمان چەندنی بنکەی وای هەیە، ئەو موشەکانە پێشکەوتووترین موشەکی دەریایی و وشکانین، هێزەکانمان گەیشتوونەتە ئاستی پێویستی لەو بوارەدا."

 

هۆشداریشی دا کە "موشەکەکانمان وردن و سەدان کیلۆمەتر دەبڕن، هێزەکانمان لە تەواوی ئامادەییدان بۆ هەر کردەیەکی بەپەلە."