گه‌ڕان

Shadow Shadow
سیاسه‌تی

پەیامێک لە سەدرەوە

سەدر: پاش ئارەزووی هاوڕەگەزبازی دیموکراسیەتە ساختەکەى خۆرئاوا ئاشکرا بوو

2021.01.07 - 20:49
App store icon Play store icon Play store icon
سەدر: پاش ئارەزووی هاوڕەگەزبازی دیموکراسیەتە ساختەکەى خۆرئاوا ئاشکرا بوو

ناس کورد- 

ڕێبەرى ڕەوتى سەدر ڕایگەیاند، ئەگەر دۆناڵد ترەمپ بەردەوام بوایە لە ئارەزووى دەستگرتن بە دەسەڵاتەوە ئەوا کۆتایى ئەمریکاى دیموکراتى دەبوو، پێشى وایە دیموکراتیە ساختەکەى خۆرئاوا ئاشکرا بوو.

کەناڵی ناس کورد لە تێلیگرام جۆین بکە   

 

موقتەدا سەدر، ڕێبەرى ڕەوتى سەدر (پێنجشەممە 7ى کانونى دووەمى 2021) لە هەژماری خۆى لە تۆڕى کۆمەڵایەتى تویتەر بڵاویکردووەتەوە، "هەمیشە باسى دیموکراتیە ساختەکەى خۆرئاوامان بۆ کردوون کە جوانکارى بۆ دەکەن و خەڵکى پێ دەخڵەتێنن بەتایبەتى چینى گەنجان."

 

باسى لەوەشکردوەو، لەڕێگەى ئەوەشەوە جیهانیان بە هاوارى "مرۆڤایەتى بەرز" و "ئازادى زۆر" و "دیموکراتى" پڕکردووە، بەڵام ئەمڕۆ چەند ڕاستیەک ئاشکرا کران کە لە زۆر کەس شاراوە بوون لە کۆمەڵگە عەرەبى و ئیسلامییەکان.

 

سەدر باسى لەوەشکردووە، بەڵێ ڕاستى پێشکەوتن و زانست و تەندروستیەکەیان ئاشکرا بوو، پێشتریش ئارەزووە سێکسیەکانیان کە خۆى لە هاوڕەگەزبازى دەبینێتەوە ئاشکرا بوو، شارەزایى دیموکراتیەت لە هەڵکوتانە سەر کۆنگرێسى ئەمریکادا دەرکەوت.

 

سەدر لە تویتێکى تردا جەختیلەوەکردووەتەوە، ئەگەر ترەمپ سوربوایە لەسەر دەستگرتن بە دەسەڵاتەوە وئارەزو و حەزەکانى  بۆ پۆست و پلە و پایە، ئەوا کۆتایى ئەمریکاى دیموکراتى دەبوو.