گه‌ڕان

Shadow Shadow
سیاسه‌تی

چوار چەکداری حەشد کوژران

چوار چەکداری حەشد بەفڕۆکەی بێ فڕۆکەوان کوژران

2021.01.07 - 20:42
App store icon Play store icon Play store icon
چوار چەکداری حەشد بەفڕۆکەی بێ فڕۆکەوان کوژران

ناس کورد- 

لەناو خاکى سوریا و لە نزیک شارى ئەلبوکەمال چوار چەکدارى حەشدى شەعبى لە بۆردومانێکى ئاسمانیدا کوژران.

کەناڵی ناس کورد لە تێلیگرام جۆین بکە   

 

ڕوانگەى سوریى بۆ مافەکانى مرۆڤ بڵاویکردوەتەوە، لەکاتى چوونە ناو خاکى سوریا لە یەکێک لە دەروازە نافەرمییەکانەوە فڕۆکەیەکى بێفڕۆکەوان ئۆتۆمبێلێکى حەشدى شەعبى عێڕاقى کردووەتە ئامانج.

 

ڕونیشکراوەتەوە، بۆردومانەکە لەسەر سنورەکانى عێڕاق لەنزیک شارى ئەلبوکەمال لە ڕیفى دێرەزورى ڕۆژهەڵات بووە و بەهۆیەوە 4 چەکدارى ئەو حەشدە کوژراون و ژمارەیەکیش بریندارن.

 

ڕوانگەکە باسى لەوەشکردوە، هەروەها شەوى چوارشەممە لەسەر پێنجشەممە فڕۆکەکانى ئیسرائیل چەند پێگەیەکى گروپەکانى سەربە ڕژێمى سوریایان لە باشورى ئەو وڵاتە و دیمەشق کردووەتە ئامانج، کە گروپە میلیشیاکانى سەربە ئێرانى تێدا بووە لەوانەش حزبوڵڵاى لوبنانى.

 

لەساڵى 2011 سوریا کێشمەکێشێکى چەکدارى خوێناوى بەخۆیەوە بینیوە و بەپێى ئامارەکان تائێستا زیاتر لە 380 هەزار کەس کوژران و زەرەر و زیانێکى ماددى زۆریشى بەدواى خۆیدا هێناوە، ئەوەش سەرەڕاى ئاوارەبونى ملیۆنان کەس.