گه‌ڕان

Shadow Shadow
سیاسه‌تی

پەرلەمانی کوردستان متمانەی بە وەزیری سامانە سروشتییەکان بەخشی

2021.01.06 - 12:53
App store icon Play store icon Play store icon
پەرلەمانی کوردستان متمانەی بە وەزیری سامانە سروشتییەکان بەخشی

ناس کورد-

بە دەنگی 81 پەرلەمانتاری پەرلەمانی کوردستان، کەمال ئەتروشی بووە وەزیری سامانە سروشتییەکان لە حکومەتی هەرێمی کوردستان.

کەناڵی ناس کورد لە تێلیگرام جۆین بکە   

 

کاتژمێر 11ـی پێش نیوەڕۆی ئەمڕۆ چوارشەممە (6ی کانونی دووەمی 2021) پەرلەمانی کوردستان دانیشتنێکی نائاساییدا ئەنجامداو لە دانشیتنەکەدا کە "ناس کورد" بینەری بوو، دەنگدان لەسەر متمانەدان بە كەمال ئەتروشی بۆ پۆستی وەزیری سامانە سروشتییەكان لەكابینەی نۆیەمی حكومەتی هەرێمی كوردستان ئەنجامدراو بە دەنگی 81 پەرلەمانتار کرایە وەزیری سامانە سروشتییەکان.

 

ئەو 81 پەرلەمانتارەی دەنگیان بە وەزیری سامانە سروشتییەکاندا، پێکهاتوون لە 45 پەرلەمانتاری پارتی، 17 پەرلەمانتاری یەکێتی، 7  پەرلەمانتاری گۆڕان، 11 پەرلەمانتاری پێکهاتەکان و یەک پەرلەمانتاری لیستی سەردەم.

 

د.کەمال ئەتروشی، لەساڵی 1975 لە زانکۆی بەغدا بڕوانامەی بەکالۆریۆسی لە زانستی جیۆفیزیک و زانستی بوومەلەرزەزانی بەدەستهێناوە، ساڵی 1991 بڕوانامەی دکتۆرای لە بواری جیۆفیزیک لە زانکۆی بۆردوی فەرەنسی بەدەستهێناوە، لە چەندین کۆمپانیای گەورەی بواری نەوت و وزە کاری کردووەو لە ساڵی 2017بووە جێگری سەرۆکی کۆمپانیایەکی کوەیتی کە لەبواری نەوت کاردەکەن و لە مانگی تەممووزی 2019ەوە راوێژکاری سەرۆک وەزیرانی هەرێمی کوردستانە بۆ وزە.