گه‌ڕان

Shadow Shadow
سیاسه‌تی

وردەکاری بزانە

بەرپرسانى ڕێکخراوى گولەن لە هەولێر و بەغدا ڕادەستى تورکیا کران

2021.01.06 - 10:20
App store icon Play store icon Play store icon
بەرپرسانى ڕێکخراوى گولەن لە هەولێر و بەغدا ڕادەستى تورکیا کران

ناس کورد-

وەزارەتی ناوخۆی تورکیا ڕایگەیاند، هەردوو بەرپرسى ڕێکخراوى فەتحوڵا گولەن لە هەولێر و بەغدا، لەکاتى هەڵهاتنیاندا لە ئۆکرانیا دەستگیرکراون و ڕادەستى تورکیا کراونەتەوە.

کەناڵی ناس کورد لە تێلیگرام جۆین بکە   

 

وەزارەتەکە لە ڕاگەیەنراوێکدا (6ى کانونى دووەمى 2021) کە وێنەیەکى دەست "ناس کورد" کەوتووە ئاماژەى بەوەکردووە، ساڵح فیدان و سامەت گورە، کە بە تۆمەتی ''ئەندامبوون لە رێکخراوی تیرۆریستیی چەکداری فەتحوڵا گولەن" لە لایەن دادگای یەکی سزای ئەنقەرەوە فەرمانی دەستگیرکردنیان بۆ دەرکراوە، لە سنوری ئۆکرانیا-پۆڵەندا کاتێ بە رێگەی نایاسایی هەڵاتوون دەستگیرکراون.

 

ئاماژە بەوەشکراوە، دوای گفتوگۆی سەرۆکایەتی فەرمانگەی بەرەنگاربوونەوەی قاچاغچێتی و تاوانە ڕێکخراوەییەکانی سەربە بەڕێوەبەرایەتی ئاسایشی گشتیی تورکیا لەگەڵ بەرپرسانی ئۆکرانیا، فیدان و گورە رادەست کرانەوە و برانەوە بۆ تورکیا.

 

بەپێی ڕاگەیەنراوەکە، کارەکانی ئاسایش لەبارەی گومانلێکراوان لە نوسینگەی لێکۆڵینەوەی تاوانەکانی تیرۆر لە سەرۆکایەتی داواکاری گشتیی کۆماری ئەنقەرە بەڕێوەدەچێت.

 

ئەوەش خراوەتەڕوو، ساڵح فیدان، بەرپرسی رێکخراوە لە بەغدا، لە ناو پێکهاتەی دەرەوەی وڵاتی رێکخراوەکەدا چالاکی ئەنجامداوە، لە زانکۆی ئیشکی دەزگای فێرکردنی فەزالەر وەک مامۆستا کاری کردووە، دوای هەوڵی کودەتاکەی 15ی تەموز لەگەڵ هاوسەرەکەی یەشیم فیدان تورکیای جێهێشتووە و نەگەڕاوەتەوە.

 

باس لەوەشکراوە، سامەت گورە، بەرپرسی هەولێری ڕێکخراوەکە، لەو کەسانەیە کە لە ناو پێکهاتەی دەرەوەی وڵاتی ڕێکخراوەکەدا چالاکی ئەنجامداوە، لە دەزگای پەروەردەی فەزالەر لە هەولێر وەک مامۆستای فیزیا کاری کردووە، دەرکەوتووە کە ''دوای 17-25ی کانونی یەکەم، بڕی پارە لە هەژمارەکەی بانک ئاسیایدا زیادی کردووە''.

me_ga.php?id=2090me_ga.php?id=2089