گه‌ڕان

Shadow Shadow
سیاسه‌تی

زانیاری زیاتر

پشکنینی کۆرۆنا لە دەروازەی پەروێزخان دەدرێت بە کۆمپانیا

2021.01.05 - 19:51
App store icon Play store icon Play store icon
پشکنینی کۆرۆنا لە دەروازەی پەروێزخان دەدرێت بە کۆمپانیا

ناس کورد- 

بڕیارە کاری پشکنینی کۆرۆنا لە دەروازەی سنوریی پەروێزخان بدرێت بە کۆمپانیا و بەڕێوبەرایەتی گشتیی تەندروستیی گەرمیان دەڵێت، هەر کۆمپانیایەک ئارەزوو دەکات دەتوانێت تەندەر بۆ پڕۆژەکە وەربگرێت.

کەناڵی ناس کورد لە تێلیگرام جۆین بکە   

 

لە ڕاگەیەندراوێکدا بەڕێوبەرایەتی گشتیی تەندروستیی گەرمیان (سێشەممە 5ی کانوونی دووەمی 2021) ڕایگەیاند، ئاگاداری ئەو کۆمپانیانە دەکاتەوە کە تایبەتن بە دابینکردنی (پێداویستی و ئامێری تاقیگە) یان لە بواری مۆلیکولەر دا کاریان کردووە، تەندەری (پرۆژەی ھاوبەشی کەرتی گشتی و کەرتی تایبەت، تایبەت بە دابینکردنی تاقیگە و پشکنینی ڤایرۆسی کۆرۆنا لە دەروازەی نێودەوڵەتی پەروێزخان) ئامادەیە، ھەر کۆمپانیایەک ئارەزووی بەشداریکردنی ھەیە سەردانی بەشی (یاسایی و گرێبەستەکان) لە دیوانی بەڕێوبەرایەتییەکەیان بکات بۆ وەرگرتنی تەندەر بۆ پرۆژەکە.   

 

ئاماژەی بەوەشکردووە، مەرج و ڕێنماییەکان ئەمانەن:

 

١. وەرگرتنی تەندەر رۆژی چوارشەممە رێکەوتی (٦/١/٢٠٢١) تا رۆژی دووشەممە رێکەوتی (١٨/١/٢٠٢١) دەبێت.

 

٢. کۆتا رۆژ بۆ گەڕانەوەی تەندەر رۆژی چوارشەممە رێکەوتی (٢٠/١/٢٠٢١) کاتژمێر (١٠:٤٥)ی سەرلە بەیانی دەبێت.

 

٣. کردنەوە و ئاشکراکردنی تەندەر رۆژی چوارشەممە رێکەوتی (٢٠/١/٢٠٢١) کاتژمێر (١١)ی سەرلەبەیانی دەبێت.

 

ئەوش هاتووە، " بۆ وەرگرتنی تەندەر نوسراوی تخویل بۆ نوێنەری کۆمپانیا و فەرمانی وەزارەتی تەندروستی بۆ تۆمارکردنی کۆمپانیا پێویستە بھێنرێت."