گه‌ڕان

Shadow Shadow
سیاسه‌تی

دوو کچ و کوڕێک

سێ تەرم لە دهۆک لە یەک ڕۆژدا.. وردەکاریی لە ناس کوردەوە

2021.01.04 - 23:42
App store icon Play store icon Play store icon
سێ تەرم لە دهۆک لە یەک ڕۆژدا.. وردەکاریی لە ناس کوردەوە

ناس کورد-

لە ماوەى ڕۆژێکدا سێ تەرم لە سنورى پارێزگاى دهۆک دۆزرانەوە کە لە دوو کچ و کوڕێک گەنج پێکهاتوون.

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە

پەیامنێرى "ناس کورد" لە دهۆک ڕایگەیاند، نزیک کاتژمێر نۆى ئەمشەو تەرمى گەنجێک بەناوی عومەر محەمەد لە کۆمەڵگای مسیریکێی سەر بە قەزای سێمێل دۆزراوەتەوە.

 

وتیشى، عومەر تەمەنی لەنێوان 25 بۆ 30 ساڵیدایە و تەرمەکەى بۆ پزیشکی دادوەری دهۆک گوازراوەتەوە.

 

ئەوە سێیەم حاڵەتى دۆزینەوەى تەرمە لە سنورى دهۆک لەمڕۆدا، دواى دۆزینەوەى دوو تەرمى دیکە کە کوڕ و کچێک بوون.

 

دووەم تەرم ئێوارەی ئەمرۆ دۆزرایەوە، کە تەرمى کچێکی ئێزدی بوو لە کەمپی شاریای سەر بە قەزای سێمێلی سەر بە پارێزگای دهۆک.

 

کچەکە ناوی ئەحلام خەیرییە و تەمەنی 15  ساڵیدایە، تەرمەکەشی بۆ پزیشکی دادوەری دهۆک گوازراوەتەوە. 

 

ئەو کچە و خانەوادەکەی خەڵکی ناحیەی گر عوزێری سەر بە قەزای شنگالن و لە کەمپی شاریا نیشتەجێبوون.

 

هەروەها سەرلەبەیانى ئەمڕۆ یەکەم تەرم دۆزرایەوە کە تەرمى  کچێکی تەمەن 22 ساڵانى دانیشتووى کەمپی ئێسیانى سنوری قەزای شێخان بوو.

 

کچەکە ناوى ئەسمەهان خدرە و بەوتەی کەسوکاری،  شەو دایک و باوکی خەوتوون، بەڵام کە بەیانی خەبەریان بووەتەوە بینویانە بە لەچکێک خۆی خنکاندووە.  

 

"ناس کورد" هەوڵیدا لێدوانى پۆلیسى دهۆک وەربگرێت لەسەر دۆزینەوەى ئەو سێ تەرمە، بەڵام هەوڵەکان بێ ئەنجام بوون.