گه‌ڕان

Shadow Shadow
چیرۆكه‌كانمان

لە حاجیاوا لەم مانگی رەمەزانەدا دوو كەس لەماڵی خودا دزییان كرد و پۆلیس دەستگیری كردن

2019.05.22 - 09:01
App store icon Play store icon Play store icon
لە حاجیاوا لەم مانگی رەمەزانەدا دوو كەس لەماڵی خودا دزییان كرد و پۆلیس دەستگیری كردن

کەناڵی ناس کورد لە تێلیگرام جۆین بکە   

ناس كورد- بەڕێوەبەرایەتی پۆلیسی راپەڕین راگەیەندراوێكی لەبارەی دەستگیركردنی دوو دز بڵاوكردەوە كە لەناو مزگەوتێكی شارۆچكەی حاجیاوا، دزییان كردبوو. . لەراگەیەندراوەكەی بەڕێوەبەرایەتی پۆلیسی راپەڕین كە وێنەیەكی دەست (ناس كورد) كەوتووە، ئاماژە بەوە كراوە "دوای ئەوەی هەواڵدەرێك سەردانی بنكەی پۆلیسی ماكۆكی كرد لە ناحیەی حاجیاوا و ڕایگەیاند كە دزی لە مزگەوتی گۆرستانی گشتی حاجیاوا كراوە دەرگاكانی مزگەوتەكە و هەندێك كەلوپەلی ئاسنی مزگەوتەكە لێكراوەتەوە. دەستبەجێ ڕێكاری یاسایی گیرایە بەر و مەلەفی لێكۆڵنەوە كرایەوە و بڕیاری دادوەر بەدەستهات بۆ دۆزینەوە و دەستگیركردنی تۆمەتباران". . بەگوێرەی راگەیەندراوەكە، دوای هەوڵدان و بەدواداچوون لەلایەن هێزەكانی بنكەی پۆلیسی ماكۆك دوو كەس دەستگیركران كە هەردووكیان تەمەنیان لە خوار 18 ساڵە و لە ڕەگەزی نێرن و دانیشتوی ناحیەی حاجیاوان. . راگەیەندراوەكە روونیدەكاتەوە، لە بەردەمی پۆلیس و دادگا دانیان ناوە بە تاوانەكەیان كە هەستاون بە لێكردنەوەی دەرگاكانی مزگەوتی گشتی گۆڕستانی حاجیاوا و هەندێك كەلوپەلی ئاسنیان بردووە و دواتر بە ئاسنەواڵە فرۆشتوویانە. . لەراگەیەندراوەكەدا جەخت لەسەر ئەوە كراوەتەوە، هەردوو تۆمەتبارەكە بە بڕیاری دادوەر بەپێی مادەی 444 لە یاسای سزادانی عێراقی ڕاگیراون و لێكۆڵینەوە لەگەڵیاندا بەردەوامە. .