گه‌ڕان

Shadow Shadow
سیاسه‌تی

’’بە کاری زۆر پێویست نەبێت’’

عالیە نوسەیف داوا لە هاوڵاتیانی ناوەڕاست و باشور دەکات سەردانی هەرێم نەکەن

2021.01.02 - 19:12
App store icon Play store icon Play store icon
عالیە نوسەیف داوا لە هاوڵاتیانی ناوەڕاست و باشور دەکات سەردانی هەرێم نەکەن

ناس کورد-

پەرلەمانتارێکی دەوڵەتی یاسا لە پەرلەمانی عێراق داوا لە هاوڵاتیانی ناوەڕاست و باشور دەکات سەردانی هەرێمی کوردستان نەکەن "ئەگەر بۆ کاری زۆر پێویست نەبێت" و دەڵێت، "دەستدرێژکردنە سەرگەشتیارانی عەرەب لە هەولێر نیشانەی نەزانی و ڕەگەزپەرستییە".

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە

شەوی 31ی کانوونی یەکەمی 2020، ژمارەیەک گەنج لە شاری هەولێر لە ڕێوڕەسی و ئاهەنگی  سەری ساڵی نوێدا، هێرشیان کردە سەر چەند ئۆتۆمبێلێکی گەشتییارانی شارەکانی بەغدا و پارێزگاکانی دیکەی عێراق، لەسەر ڕووداوەکەش تائێستا 11 لە هێرشکاران دەستگیرکراون. 

 

عالیە نوسەیف، پەرلەمانتاری دەوڵەتی یاسا لە پەرلەمانی عێراق ( 2ی کانونی دووەمی 2021) لە ڕاگەیەندراوێکدا کە وێنەیەکی دەست "ناس کورد" کەوتووە ڕایگەیاند، "گرتە ڤیدیۆیی ساتی دەستدرێژکردنە سەر پاس و ئۆتۆمبێلی گەشتیارە عێراقییەکان لە ناو شاری هەولێر، ئاستی نەزانیی ڕەگەزپەرستی و تاوانکاریی نیشان دەدات".

 

ئاماژەی بەوەشکردووە، "لە گرتە ڤیدیۆکاندا ئەوە دەردەکەوێت کە هیچ کەسێک هەوڵی ئەوە نادات ڕێگری لەو دەستدرێژییە بکرێت، ئەندامانی هێزە ئەمنییەکانیش بە شێوەیەکی زۆر گوماناوی لەو شوێنەدا نابینرێن".

 

نوسەیف بە سەرسوڕمانەوە دەڵیت، "ئەوانەی لە هەوڵێر دەستدرێژی کراوەتە سەریان هاوڵاتی عێراقی ئاسایی بوون، خۆ سەرکردەی سیاسی نەبوون، ئەگەر ئەو ڕووداوە لە بەغدا یان هەر پارێزگایەکی دیکەی عێراق ڕووبدایە دژبە هاوڵاتییەکی کورد، ئەوا هەموو هێزە ئەمنییەکان بەوپەری دادپەروەرییەوە مامەڵەیان دەکرد و یاسایان جێبەجێ دەکرد".

 

پەرلەمانتارەکەی دەوڵەتی یاسا ئەوەشی خستووەتەڕوو، "پارێزگاری هەولێردەڵێت، دەستدرێژکارانیان دەستگیرکردووە، بۆیە ئەگەر ئەو هەنگاوە ڕاست بێت، ئەوا دەبێت لە هەنگاوی دووەمدا ئەو هاوڵاتیانەی کە دەستدرێژی کراوەتە سەریان لە دادگاکانی بەغدا سکاڵا دژ بە تاوانباران تۆمار بکەن و تاوانبارەکانیش بگوازرێنەوە بۆ شوێنی پێشکەشکردنی سکاڵاکان".

 

نوسەیف لە بەشێکی دیکەی ڕاگەیەندراوەکەیدا هۆشداریداوە بە هاوڵاتیانی عێراق کە سەردانی هەرێمی کوردستان نەکەن ئەگەر بۆ کاری زۆر پێویست نەبێت.