گه‌ڕان

Shadow Shadow
سیاسه‌تی

کامیان مەترسیی کەمترە.. زۆپای نەوت یاخود غاز؟

2021.01.02 - 15:06
App store icon Play store icon Play store icon
کامیان مەترسیی کەمترە.. زۆپای نەوت یاخود غاز؟

ناس کورد-

ساڵانە لە وەرزی لە هەرێمی کوردستان چەندین کەس دەبنە قوربانیی غازی زۆپا یاخود بەهۆیەوە دەسوتێن، شارەزایانی بوارەکەش باشترین ئامێرەکانی گەرمکەرەوە بۆ ماڵان دەکەن و دەڵێن، کواڵێتی ئامێرەکان زۆر گرنگە. 

کەناڵی ناس کورد لە تێلیگرام جۆین بکە   

 

لە وەرزی زستاندا لە هەرێمی کوردستان هاووڵاتیان زۆپای نەوت و غاز بۆ خۆگەرمکردنەوە بەکاردەهێنن و ساڵانەش بەهۆیەوە ڕووداوی نەخزراوی ئاگرکەوتنەوە و خنکان بەهۆی غازەکەیەوە ڕوودەدات. 



سەرکەوت کاڕەش، وتەبێژی بەرگریی شارستانی هەولێر بە "ناس کورد"ی ڕاگەیاند، لە ساڵی 2020 هیچ حاڵەتێکی گیانلەدەستدان بەهۆی غازی زۆپاوە لە هەولێر تۆمار نەکراوە، شەش حاڵەتی سوتانیش هەبووە بەهۆی زۆپاوە ئەوانیش چارەسەری پێویستیان بۆ کراوە."

 

 

سەبارەت بە بەکارهێنانی گەرمکەرەوە لە ناو ماڵاندا و کام جۆریان مەترسی کەمترە، وتەبێژی بەرگری شارستانی هەولێر دەڵێت، "بەکاهێنانی زۆپای نەوت مەترسی کەمترە بەراورد بە زۆپای غاز، چونکە زۆپای غاز ڕەنگە لێچوونی هەبێت و ئەوەش ببێتە هۆکاری گڕگرتن، بەڵام زۆپای نەوت ئەگەر بە شێوەیەکی باش بەکاربهێنرێت مەترسییەکانی زۆر کەمترە."

 

هاوکات ڕێكان جەمال، وتەبێژی بەرگری شارستانی سلێمانی پێیوایە، "بەکارهێنانی زۆپای غاز یاخود نەوت پەیوەستە بە پێشکەوتوویی کوالێتی زۆپاکە، باشترە هاووڵاتیان ئەگەر زۆپای غازیان بەکارهێنا دەبێت ئاگاداری کوالێتی بن و لەو جۆرانە بەکار بهێنن کە دەرچەی دەرچوونی هەوای هەیە، یاخود ئەو جۆرانەی کە لەکاتی بەرکەوتن یاخود جوڵاندنی دەکوژێنەوە." 

 

ئاماژەی بەوەشکرد، " بەپێچەوانەوە بەکارهێنانی ئەو جۆرە زۆپایانەی کە غازەکەی لەگەڵدا دەبەیتە ژورەوە زۆر مەترسیدارە." 

 

ڕێکان جەمال جەختیشیکردەوە، بەهەمان شێوە بۆ زۆپای نەوتیش پێویستە کوالێتی باش بێت و لەکاتی کارپێکردنی کێشە دروست نەکات و غازی نەبێت. 

 

دوێنێ هەینی 2ی کانوونی دووەمی 2021، لە ماڵێکدا لە هاوینەهەواری مێرگەپان، تەرمی باوک و کچێک دۆزرانەوە کە دەرکەوت بەهۆی غازی زۆپاوە گیانیان لەدەستداوە.