گه‌ڕان

Shadow Shadow
سیاسه‌تی

زانیاری زیاتر

شنگال؛ پاشماوەی بۆمبێکی داعش بە مێردمنداڵێكدا تەقییەوە

2021.01.02 - 13:26
App store icon Play store icon Play store icon
شنگال؛ پاشماوەی بۆمبێکی داعش بە مێردمنداڵێكدا تەقییەوە

 ناس کورد-

بەهوی تەقینەوەی بۆمبێکی پاشماوەی داعش لە سنوری قەزای شنگال مێردمنداڵێکی تەمەن 14 ساڵان گیانی لەدەستدا.

کەناڵی ناس کورد لە تێلیگرام جۆین بکە   

 

ئەیمەن خەلەف، ئەندامی سەنتەری گەنجان لە کومەڵگای تل بەناتی سەر بەقەزای شنگال (شەممە 2ی کانوونی دووەمی 2021) بە "ناس کورد"ی ڕاگەیاند، "کاتژمێر 9:30 خولەکی بەیانی ئەمرۆ شەممە، لە کومەڵگای تل بەناتی سەر بە قەزای شنگال لەکاتی دەستکاریکردنیدا پاشماوەی بۆمبێک مێردمنداڵێکدا تەقیەوە و بەوهۆیەوە گیانی لەدەستداوە.

 

وتیشی، ناوی مێردمنداڵەکە زەمان عەیدو ئیسماعیلە و تەمەنی 14 ساڵ بووە، کاتێک لەماڵەوە چووەتە دەرەوە و لەنزیک ماڵی خۆیان، دەستی لە بۆمبەکە داوە پیایدا تەقیەوە.

 

کۆمەڵگای تل بەنات دەکەوێتە باشوری چیایی شنگال و لەکاتی هێرشی چەکدارانی داعش بۆ سەر سنوری قەزاکە، ئەو کۆمەڵگایەش کەوتە دەستیان و دوای ئازادکردنیشی وێڕای ئەوەی بەشێک لە دانیشتووانی گەڕاونەتەوە سەر ماڵ و حاڵی خویان، تا ئێستا بەتەواوی لە پاشماوەی داعش پاکنەکراوەتەوە.