گه‌ڕان

Shadow Shadow
سیاسه‌تی

هێرشی ئێران بۆسەر ئەمەریکییەکان

ڕاوێژکاری سەربازیی خامنەیى باس لە هێرشکردنەسەر هێزەکانی ئەمەریکا دەکات

2021.01.02 - 09:22
App store icon Play store icon Play store icon
ڕاوێژکاری سەربازیی خامنەیى باس لە هێرشکردنەسەر هێزەکانی ئەمەریکا دەکات

 

ناس کورد- 

 

ڕاوێژکارێکى سەربازیى ڕابەرى باڵاى ئێران ڕایگەیاند، ئێران هیواخوازە تاکاتى ڕۆیشتنى دۆناڵد ترەمپ لە پۆستەکەی، هیچ شتێک لەناوچەکەدا ڕوونەدات  کە بڕیارە 21ى ئەم مانگە کورسییەکەى بەجێبهێڵێت.

 

کەناڵی ناس کورد لە تێلیگرام جۆین بکە   

 

لەچاوپێکەوتنێکى دا لەگەڵ تەلەفزیۆنى فەرمیى ئێرانی کە "ناس کورد" بینوویەتى، لیوا یەحیا سەفەوى، ڕاوێژکارى سەربازیی عەلى خامنەیى، ڕابەرى باڵاى ئێران (شەمممە 2ى کانوونى دووەمى 2021) ڕایگەیاندووە، ئومێد دەکەن تا کاتى ڕۆیشتنى دۆناڵد ترەمپ لەسەر کورسیەکەى هیچ شتێک ڕوونەدات، هەرچەندە تۆڵەکردنەوەى خوێنى قاسم سولەیمانى بەهێزدەبێت و درێژە دەکێشێت.

 

ئاماژەى بۆ ئەوەش کردووە، ئەمەریکیەکان باش دەزانن لە ئێراندا فەرماندەیەک هەیە کە خامنەییە و بەهێزە و بە فەرمانى ئەو هێرشى موشەکى کراوە بۆ سەر بنکەى عەین ئەسەدى ئەمەریکا لە عێراق دواى کوژرانى سولەیمانى، بۆیە ئەمەریکیەکان لەساڵیادى کوژرانیدا ترسیان لە هێرشى سەربازى  ئێرانى هەیە.

 

ڕاوێژکارەکەى خامنەى دەشڵێت، هێزە ئێرانیەکان توانایان هەیە فڕۆکەهەڵگرە تایبەتەکانى ئەمەریکا لەناوچەکەدا لەماوەى چەند کاتژمێرێکى کەمدا نغرۆ بکەن و ژێرئاویان بخەن.

 

وتەکانى ئەو بەرپرسە باڵایەى ئێران لەکاتێکدایە، وڵاتەکەى هەڕەشەى تۆڵەکردنەوەى خوێنى قاسمى سولەیمانى دەکات و ئەمەریکاش ترسى لە نیەتە شاراوەکانى ئێران هەیە کە زیان بە بەرژەوەندییەکانى لەناوچەکەدا بەتایبەتى لەعێراق بگەیەنێت.