گه‌ڕان

Shadow Shadow
سیاسه‌تی

’’شەڕەکە هەولێر ’’

پارێزگای هەولێر لەبارەی شەڕەکەی شەوی سەری ساڵ ڕوونکردنەوە دەدات

2021.01.01 - 22:23
App store icon Play store icon Play store icon
پارێزگای هەولێر لەبارەی شەڕەکەی شەوی سەری ساڵ ڕوونکردنەوە دەدات

ناس کورد-

پارێزگای هەولێر لەبارەی هێرشکردنەسەر چەند ئۆتۆمبێلێکی گەشتیارانی عەرەب لەلایەن چەند گەنجیکی هەولێرەوە لە شەوی سەری ساڵدا ڕوونکردنەوەیەکی بڵاوکردەوە و ڕایگەیاند، 11 کەسیان لەسەر ئەو ڕووداوە دەستگیرکردووە.

کەناڵی ناس کورد لە تێلیگرام جۆین بکە   

 

لە ڕاگەیەندراوێکدا پارێزگای هەولێر (هەینی 1ی کانوونی دووەمی 2021) ڕایگەیاند، "بە داخەوە شەوی ڕابردوو چەند گەنجێک دوور لە هەموو دابونەریتێکی میواندۆستانەی کۆمەڵگەی کوردستان، لە شاری هەولێر هێرشیان کردە سەر چەند ئوتومبێلێکی گەشتیارانی شارەکانی بەغدا و پارێزگاکانی دیکەی عێراق کە بۆ بەسەربردنی پشووی سەری ساڵ هاتبوونە هەولێر."

 

ئاماژەی بەوەشكردووە، "هێزەکانی پۆلیس و ئاسایش، دەمودەست ڕێوشوێنی پێویستیان گرتەبەر و 11 کەسیان لەو هێرشبەرانە دەستگیرکرد کە ڕووبەڕووی یاسا دەکرێنەوە. "

 

ئەوەش خراوەتەڕوو، "لێرەدا دووپاتی دەکەینەوە کە ڕێگە نادەین، هیچ کەس و لایەنێک، ئاسایش و ئارامیی هەرێمی کوردستان تێک بدات و میواندۆستيی کۆمەڵگەکەمان بشێوێنێ، هەر کەسێک سەرپێچییەکی لەم شێوەیە بکات، لێپێچینەوەی یاسایی لەگەڵ دەکرێت. "