گه‌ڕان

Shadow Shadow
سیاسه‌تی

’’دوو وڵات بەشداربوون’’

ئەنجامى لێکۆڵینەوەى ئێران لەرووداوى کوشتنى قاسم سولەیمانى

2020.12.31 - 12:38
App store icon Play store icon Play store icon
ئەنجامى لێکۆڵینەوەى ئێران لەرووداوى کوشتنى قاسم سولەیمانى

ناس کورد-

بەرپرسانى ئێران رایدەگەیەنن گەیشتوون بەتەواوى وردەکارییەکان لەبارەى رووداوى کوشتنى قاسم سولەیمانى و دوو وڵات بەشداریان لەو پلانەدا کردووە.

 

کەناڵی ناس کورد لە تێلیگرام جۆین بکە   

 

لە چاوپێکەوتنێکدا لەگەڵ کەناڵى (خەبەرى)ى ئێرانی کە "ناس کورد" بەدواداچوونى بۆ کردووە، حوسێن ئەمیر عەبدولهیان یاریدەدەدرى سەرۆکى پەرلەمان بۆ کارووبارى نێو دەوڵەتى (31ى کانوونى یەکەمى 2020) وتى "بەپێی لێکۆڵینەوەکان بۆمان دەرکەوتووە لەوڵاتیکەوە ژوورى عەمەلیاتى سەربازى بۆ کوشتنى قاسمى سولەیمانى دامەزراوە و لەکاتى گەیشتنى سولەیمانى زانیارى دراوەتەوە ئەمەریکییەکان".

 

وتیشى " دوو وڵات هاریکارییان لەڕوداوى کوشتنەکەدا کردووە و دادگاش لەکاتى گونجاوى خۆێدا و دواى تەواوکردنى سەرجەم ڕێکارەکان ڕوونکردنەوەى زیاتر لەو ڕووەوە بڵاو دەکاتەوە".

 

ئەو بەرپرسە باڵایەى ئێران باسى لەوەش کردووە، لیستێکیان لەبەردەستتدایە کە پێکهاتووە لە 48 کەسایەتى ئەمەریکا کە تۆمەتبارن لەو ڕوداوەدا و سکاڵاشیان لەدژ بەرز دەکرێتەوە.

 

ڕۆژى چوارشەممەى ڕابردوو داواکارى گشتى شارى تاران، کۆمپانیایەکى بەریتانى کە بەرپرسە لەئاسایشى فڕین لەفڕۆکەخانەى بەغداى نێو دەوڵەتى تۆمەتبارکرد بەتێوە گلان لەکوشتنى قاسمى سولەیمانى.

 

رۆژى 3ى کانوونى دووەمى ساڵى 2019، لەلایەن فڕۆکەکانى ئەمەریکاوە لەنزیک فڕۆکەخانەى بەغداى نێو دەوڵەتى هێرشکرایە سەر قاسمى سولەیمانى و ئەبو مەهدی موهەندیش و بەو هۆیەوە کوژران، ڕوداوەکە کاردانەوەى توندى ئێرانى بەدواى خۆێدا هێناو و ئەو وڵاتەش تا ئێستا سوورە لەسەر ئەوەى تۆڵەکردنەوەى سولەیمانى هیشتا کۆتایى پێنەهاتووە.