گه‌ڕان

Shadow Shadow
سیاسه‌تی

لەزارى پۆلیسەوە

زانیارى نوێ لەبارەى ئەو ئەفسەرە خانەنشینەى پێشمەرگە کە لە سلێمانى کوژرا

2020.12.30 - 13:35
App store icon Play store icon Play store icon
زانیارى نوێ لەبارەى ئەو ئەفسەرە خانەنشینەى پێشمەرگە کە لە سلێمانى کوژرا

ناس کورد-

پۆلیسى سلێمانى ناسنامەى ئەو ئەفسەرە خانەنشینەى پێشمەرگەى ئاشکراکرد کە شەوى ڕابردوو کوژرا و تا ئێستاش تۆمەتبارەکان دەستگیرنەکراون.

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە

شەوی ڕابردوو لە گەڕەکی قڕگەی شاری سلێمانی دەستڕێژی گولـلە لە ماڵێک کرا و بەوهۆیەوە هاوڵاتیەک کە خانەنشینی پێشمەرگە بووە گیانی لەدەستدا.

 

سەرکەوت ئەحمەد، وتەبێژی پۆلیسی سلێمانی لە لێدوانێکدا بۆ "ناس کورد" (30ی کانونی یەکەمی 2020) وتی "ئەو کەسەی شەوی ڕابردوو تەقە لە ماڵەکەی کراوەو دوای برینداربوونی گیانی لەدەستدا ناوی (کەمال ئەحمەد)ە، تەمەنی 60 ساڵە و پیشەی خانەنشینی پێشمەرگە بووە بە پلەی عەقید".

 

وتیشى، "ئەو تۆمەتبارانەی تەقەیان کردووە تا ئیستا دەستگیر نەکراون و بەدواداچوونەکان بۆ دۆزینەوەیان بەردەوامە".

 

سەرکەوت ئەحمەد باسی لەوەشکرد، لێکۆڵینەوەکان لە هۆکاری ڕووداوەکە بەردەوامن و کامێراکانی چاودێری کۆکراونەتەوە، لێکۆڵینەوە لە رووداوەکە دەستیپێکردووە.

 

بەوتەى سەرکەوت ئەحمەد، کەسوکاری ئەو پێشمەرگە خانەنشینە تا ئێستا ڕەتیدەکەنەوە پێشتر کێشە و دوژمنایەتیان لەگەڵ هیچ کەسێک هەبوبێت، بەوەش بەدواداچوونەکانی پۆلیس بەردەوامدەبێت تاوەکو هۆکاری تەقەکردنەکە و تۆمەتبارەکان ئاشکرا دەکرێن.

 

هاوکات کاژین کەمال، عەقیدە خانەنشینکراوەکە بە ناس کوردی ڕایگەیاند، "ئەمشەو ڕووداوەکە ڕوویدا و هێشتا زوو، ئێمە جارێ هیچ قسەیەک ناکەین و چاوەڕێی لێکۆڵینەوەین."

 

وتیشی، "ئێمە دوو مانگە چووینەتە ئەم خانووە نوێیە کە باوکمی تێدا کوژراوە، ئاگاداری هیچ کێشەیەک نین."