گه‌ڕان

Shadow Shadow
سیاسه‌تی

’’چەندین نەوە و توخمی نوێ’’

پێشبینی نوێ لە تەندروستى جیهانییەوە لەبارەى نەوەى نوێی کۆرۆنا

2020.12.28 - 23:47
App store icon Play store icon Play store icon
پێشبینی نوێ لە تەندروستى جیهانییەوە لەبارەى نەوەى نوێی کۆرۆنا

ناس کورد- 

 

شارەزایەکی ڕێکخراوی تەندروستیی جیهانی پێشبینی دەکات لە ماوەی داهاتوودا چەندین نەوە و توخمی نوێی ڤایرۆسی کۆرۆنا سەرهەڵبدەن، ئاماژەی بەوەشکردووە، توخمە نوێیەکە توانای بڵاوبوونەوەی زیاترە. 

کەناڵی ناس کورد لە تێلیگرام جۆین بکە   

 

ماریا ڤان کێرکهۆفی، شارەزا لە ڕێکخراوی تەندروستیی جیهانی لەمیانەی لێدوانێکی رۆژنامەوانیدا( 28ی کانوونی یەکەمی 2020) کە "ناس کورد" بەدواداچوونی بۆکردووە ڕایگەیاندووە "شتێکی سروشتییە ڤایرۆسەکان خۆیان بگۆڕن، ئەو پرۆسەیەش کاریگەری زۆری نابێت لەسەر جۆری ڤایرۆسەکە، توێژینەوە لەسەرنەوەی نوێی ڤایرۆسەکان و چۆنێتی بڵاوبوونەوەیان بۆ ئێمە زۆر گرنگە".

 

ئاماژەی بەوەشکردووە، "پێشبینی دەکرێت لە ماوەی داهاتوودا چەندین نەوە و توخمی نوێی ڤایرۆسی کۆرۆنا سەرهەڵبدات، بۆئەوەی زانیاریی تەواومان هەبێت لەسەرشێوازی بڵاوبوونەوەیان، تیمەکانمان لەئێستادا سەرقاڵی توێژینەوەی چڕن".

 

شارەزاکەی ڕێکخراوی تەندروستیی جیهانی، ئەوەشی خستووەتە ڕوو، "لە ماوەى چەند هەفتەی داهاتوودا ڕاپۆرتی تەواو لەلایەن تیمەکانەوە لەسەر ڤایرۆسی گۆڕاوی کۆرۆنا بەدەست دەگات، توخمە نوێیەکە بەراورد بە تۆخمی پێشوو توانای بڵاوبوونەوەی زیاترە".

 

لای خۆشییەوە، ویندی بارکڵی، مامۆستا لە زانکۆی" ئیمپڕیاڵ کۆڵیدژ" بەریتانی بە ڕۆژنامەی دەیل مەیلی ڕاگەیاندووە، ئەو توخمە نوێیەی ڤایرۆسی کۆرۆنا کە لە باشوری وڵات دۆزراوەتەوە، توانای ئەوەی هەیە منداڵان وەک کەسانی گەورە توشی نەخۆشییەکە بکات، بۆیە بڵاوبوونەوەی ئەوجۆرو بەڕێژەی لە  70% لە جۆری یەکەمی ڤایرۆسەکە زیاترە.