گه‌ڕان

Shadow Shadow
سیاسه‌تی

وردەکاریی

 وردەکاریی گێچەڵکردن بە کچان لە سناپچات بەناوى بانگخوازێکەوە لە دهۆک

2020.12.28 - 22:01
App store icon Play store icon Play store icon
 وردەکاریی گێچەڵکردن بە کچان لە سناپچات بەناوى بانگخوازێکەوە لە دهۆک

ناس كورد- هەڤاڵ فەتاح

 

پۆلیسی دهۆک ڕایگەیاند، کەسێک هەژمارێکی ساختەی بە ناوی بانگخوازێکی ناسراوی شارەکە دروستکردووە و لە ڕێگەیەوە گێچەڵی بەژمارەیەک ئافرەت و کچ کردووە و هەڕەشەی بڵاوکردنەوەى وێنەکانیانى لێکردوون، ئەگەر پارەی پێ نەدەن.

کەناڵی ناس کورد لە تێلیگرام جۆین بکە   

 

هێمن سلێمان وتەبێژی پۆلیسی دهۆک لە لێدوانێکدا بۆ"ناس کورد" (28ی کانوونی یەکەمی 2020) ڕایگەیاند،" بانگخوازێکی دیاری شاری دهۆک بە ناوی عەبدولرەحمان بوربەهاری، سکاڵاى لەسەر کەسێک تۆمارکردووە کە بەناوی ئەوەوە هەژمارێکی ساختەی سناپ چاتی دروستکردووە و لەڕێگەیەوە ژمارەیەک ئافرەت و کچی هەڵخەڵەتاندووە".

 

کەناڵی ناس کورد لە تێلیگرام جۆین بکە  

 

بەپێى بەدواداچونى "ناس کورد" ئەو کەسە لەسەر ئەو هەژمارەى کە دروستیکردووە وێنە و وتە و ڤیدیۆکانى ئەو بانگخوازەى بڵاوکردووەتەوە وا خۆى ناساندووە کە بانگخوازەکەیە، لەو رێگەیەوە لەگەڵ ژمارەیەک کچ و ژن قسەیکردووە و وێنە و ڤیدیۆکانى تۆمارکردووە.

 

هێمن سلێمان وتی "ئەو کەسە لە ڕێگەی ئەو هەژمارە ساختەیەوە گێچەڵی بەژمارەیەک کچ و ئافرەتی شارەکە کردووە و هەڕەشەی بڵاوبوونەوەی وێنەکانیانی لێکردوون، ئەگەر پارەی پێی نەدەن".

 

تا ئێستا پۆلیس ناسنامەى ئەو کەسەى ئاشکرانەکردووە کە ئەو بانگخوازە سکاڵاى لەسەر تۆمارکردووە و سەرقاڵى لێکۆڵینەوەیە بۆ دۆزینەوە و دەستگیرکردنى.

 

وتەبێژی پۆلیسی دهۆک وتى "پۆلیس دەستی کردووە بە بەدواداچوون و گەڕان بەمەبەستی دەستگیرکردنی ئەو کەسە".

 

ئەپی نوێی ناس کورد دابەزێنە بۆ بینینی بەپەلە و هەواڵەکان: بۆ ئایفۆن - بۆ گالاکسی - بۆ هواوى