گه‌ڕان

Shadow Shadow
سیاسه‌تی

هەزار و 113 کەسیش دەستگیرکراون

هەرێم؛ لەمساڵدا زیاتر لە نیو تۆن مادەى هۆشبەر دەستی بەسەردا گیراوە

2020.12.28 - 17:55
App store icon Play store icon Play store icon
هەرێم؛ لەمساڵدا زیاتر لە نیو تۆن مادەى هۆشبەر دەستی بەسەردا گیراوە

ناس کورد-

بەڕێوەبەرایەتی گشتی نەهێشتنی ماددە هۆشبەرەکان ئاماری کار و چالاکییەکانی بۆ ساڵی 2020 ئاشکرا کردووە کە زیاتر لە 555 کیلۆگرام مادەى هۆشبەر دەستی بەسەرگیراوە و یەک هەزار و 113 تۆمەتباریش دەستگیرکراون.

کەناڵی ناس کورد لە تێلیگرام جۆین بکە   

بەرێوەبەرایەتی گشتی نەهێشتنی ماددە هۆشبەرەکان لە ڕاگەیەندراوێکدا کە وێنەیەکی دەست "ناس کورد" کەوتووە (28ی کانونی یەکەمی 2020) دەڵێت، هەزار و 113 تۆمەتبار دەستگیرکراون و ئەو تاوانبارانەی پەڕاوی لێکۆڵینەوەیان لەدادگا یەکلای بووەتەوە و سزادراون 616 تاونبارن و ئەو تۆمەتبارانەی بەدەستەبەر ئازادکراون و پەڕاوی لێکۆڵینەوەیان لەدادگا بەردەوامە 88 کەسن و جگە لەوەش 58 تۆمەتبار لەدادگا ئازاد کراون لەبەر کەمی بەڵگەی تاوان لەدژیان و 71 تۆمەتباریش بەفەرمانی دادگا سنوور بەدەر کراون.


لە ڕاگەیەندراوەکەدا ئەوەش هاتووە، لە ساڵی 2020 دەستبەسەر 555 کیلۆ و 740 گرام ماددەی هۆشبەر گیراوە، کە لە جۆرەکانی هیرۆین، تلیاک، کریستاڵ، حەشیش، جامایکا، حەبی پزیشکی هۆشبەر لە جۆرەکانی (کلۆنازپام، ترامادۆڵ، B 2، میتادۆن و پرازولام) بووە.


ئەوەش ڕاگەیەراندراوە کە دەست بەسەر 10 ملیۆن و 955 هەزار دیناری عیراقی و 65 هەزارو 500 دۆلاری ئەمریکی و 100 هەزار یۆرۆی ساختەدا گیراوەو 84 چەکی جۆری کڵاشینکۆف، 39 دەمانچە، 1 قەناس و یەک بڕنەو یەک تاپڕو 29 دروبیندا گیراوە.

دەقی ڕاگەیەنراوەکە:

ئاماری کار و چالاکیەکانی ساڵی ۲٠۲٠ بەڕێوەبەرایەتی گشتی نەهێشتنی ماددە هۆشبەرکان
دەستگیرکردنی ( ۱۱۱۳ ) هەزار و سەد و سێزدە تۆمەتبار
ـ ئەو تاوانبارانەی پەڕاوی لێکۆڵینەوەیان لەدادگا یەکلای بۆتەوە و سزادراون ( ۹۱٦ ) نۆسەد و شازدە تاوابارن
ـ ئەو تۆمەتبارانەی بەدەستەبەر ئازادکراون و پەڕاوی لێکۆڵینەوەیان لەدادگا بەردەوامە ( ۸۸ ) هەشتا و هەشت تۆمەتبارن
ـ ئەو تۆمەتبارانەی لەدادگا ئازاد کراون لەبەر کەمی بەڵگەی تاوان لەدژیان( ٥۸ ) تۆمەتبارن
ـ ئەو تۆمەتبارانەی بەفەرمانی دادگا سنوور بەدەر کراون ( ۷۱ ) حەفتا و یەك تۆمەتبارن
*دەستبەسەرداگرتنی بڕی ( ٥٥٥,۷٤٠ ) پێنج سەد و پەنجا و پێنج کیلۆ و حەوت سەد و چل گرام ماددەی هۆشبەر بەم شێوەیەی خوارەوە
ـ بڕی ( ۱۲۳ ,٤٠٥ )چوار سەد و پێنج کیلۆ و سەد و بیست و سێ گرام ( هێروین )
ـ بڕی ( ۸٦,٥۲۳ ) هەشتا و شەش کیلۆ و پێنج سەد و بیست و سێ گرام ( تلیاك )
ـ بڕی ( ٥۲,٥٤۱ )پەنجا و دوو کیلۆ و پێنج سەد و چل و یەك کیلۆ گرام ( کریستاڵ )
ـ بڕی ( ۸۳٤ ,۹ ) نۆ کیلۆ و هەشت سەد و سی و چوار گرام ( حەشیش )
ـ بڕی ( ۱,۷۱۹ ) یەك کیلۆ و حەوت سەد و نۆزدە گرام ( جامایکا )
* دەستبەسەرداگرتنی بڕی ( ۲۷۳٤ ) دوو هەزار و حەت سەد و سی و چوار شیت حەبی پزیشکی هۆشبەر
ـ بڕی ( ۱۲۱۹ ) هەزار و دوو سەد و نۆزدە شیت حەبی هۆشبەری ( کلۆنازپام )
ـ بڕی ( ۱٠٤۷ ) هەزار و چل و حەوت شیت حەبی هۆشبەری ( ترامادۆڵ )
ـ بڕی ( ۸۸ ) هەشتا و هەشت شیت حەبی هۆشبەری ( B 2 )
ـ بڕی ( ۷۹ ) حەفتا و نۆ شیت حەبی هۆشبەری ( میتادۆن)
ـ بڕی ( ۳۱ ) سی و یەك شیت حەبی هۆشبەری ( پرازولام )
ـ بڕی ( ۲۷٠ ) دوو سەد و حەفتا شیت حەبی هۆشبەری جۆراو جۆر
دەستبەسەداگرتنی بڕی (۱٠,۹٥٥,٠٠٠) دەملێۆن و نۆسەد و پەنجاو پێنج هەزار دیناری ساختەی عێراقی
* دەستبەسەداگرتنی بڕی ( ٦٥,٥٠٠ ) شەست و پێنج هەزار و پێنج سەد دۆلار ی ئەمەریکی ساختە
*
* دەستبەسەداگرتنی بڕی ( ۱٠٠,٠٠٠ ) سەد هەزار یۆرۆی ساختە
* دەستبەسەەداگرتنی ( ۸٤ کڵاشینکۆف ـ ۳۹ دەمانچە ـ ۱ قەناس ـ ۱ بڕنە ـ ۱ تاپڕ ـ ۲۹ دووربین )