گه‌ڕان

Shadow Shadow
سیاسه‌تی

وردەکاریى

لەسەر هەڕەشەكانی دژ بە كازمی فرمانی گرتن بۆ وتەبێژی حیزبوڵڵا دەرچوو

2020.12.27 - 23:35
App store icon Play store icon Play store icon
لەسەر هەڕەشەكانی دژ بە كازمی فرمانی گرتن بۆ وتەبێژی حیزبوڵڵا دەرچوو

ناس كورد-

فەرمانى دەستگیرکردن بۆ ئەبو عەلى عەسکەرى وتەبێژى سەربازى کەتیبەكانی حیزبوڵا دەرکرا کە لەرێگەی تویتێكەوە هەڕەشەى لە سەرۆک وەزیرانی عێراق کردبوو.

 

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە  

 

لە نوسراوێکی فەرمیدا (فرمانی گرتن) کە وێنەیەکى دەست "ناس کورد" کەوتووە دادگا فرمانى دەستگیرکردنى بۆ ئەبو عەلى عەسکەرى وتەبێژى سەربازى كەتیبەكانی حیزبوڵڵای عێراقی دەرکرد بەتۆمەتى هەڕەشەکردن لە سەرۆک وەزیران.

 

لە نوسراوەکەدا دەسەڵات دراوەتە هێزە ئەمنییەکان کە (حسێن موئنیس فەرەج العبودی ناسراو بە ئەبو عەلی عەسكەری وتەبێژی سەربازی كەتیبەكانی حیزبوڵڵا) دەستگیر بکەن.

ناوبراو پێشتر لە رێگەی تویتێكەوە هەڕەشەیەكی بەكارهێنابوو دژی سەرۆك وەزیران كە پێشتر فیداییەكانی سەدام لە عێراق جێبەجێیان كردووە (گوێ بڕین). 

 

مەحمود رەبیعى، وتەبێژى مەکتەبی سیاسی عەسائیب (یەکشەممە، 27ى کانونى یەکەمى 2020) لەمیانەى بەشداریکردنى لەبەرنامەیەکى تەلەفزیۆنى کە "ناس کورد" بەدواداچوونى بۆ کردووە رایگەیاند "کەسمان ئەبو عەلى عەسکەرى ناناسین، عەسائیب پێیوایە تویتەکەى دۆخەکە زیاتر ئاڵۆز دەکات،ئێمە لە گروپى تایبەت لەگەڵ کەتائیب رەخنەمان لەو تویتە گرتووە".   

 

كەتیبەكانی حیزبوڵڵا خۆیان بە “گرووپێكی جیهادیی ئیسلامیی بەرگریكار” دەناسێنن و باوەڕیان بەوە هەیە كە “ویلایەتی فەقیهـ؛ باشترین نموونەی حوكمڕانییە بۆ جێبەجێكردنی دەسەڵاتی حكومداری لە سەردەمی شاراوەبوونی ئیمام مەهدی.

 

ئەم گرووپە ناوچەیەكی دابڕاوی بۆ خۆی پاوان كردووە لە ناوچەی “جرف الصخر”ی پشتێنەی بەغدا لەسەر ڕێگای كەربەلا، پاش بێبەشكردنی دانیشتووانە سوننەكەی لە مافی گەڕانەوە بۆ ئەم ناوچە كشتوكاڵییە چڕە بە پاساوی مەترسیی داعش.

 

ئەم گرووپە چەكدارییە بە گرنگترین گرووپە ئێرانییەكانی حەشدی شەعبی لەقەڵەم دەدرێت، لە ڕووی مەشق و پڕچەككردنەوە، لە ساڵانی پێشوودا ڕاستەوخۆ لەلایەن ئەبو مەهدی موهەندیسەوە سەرپەرشتی كراوە بەر لەوەی ئەمەریكییەكان بیكوژن (یەنایەری 2020) ئەم باڵە سەربازییە  شيعەیە لە نیسانی 2007، لە شاری عەممارەی باشووری عێراق لە ئەنجامی یەكگرتنی چەند گرووپی چەكداریی شیعە ڕاگەیەنراوە، ئێستا لە چوارچێوەی لیواكانی (45، 56، 57)ی حەشدی شەعبیدا كار دەكات، ژمارەی چەكدارەكانیشی لەنێوان (2011-2019)دا لە 400 چەكدارەوە گەشتووەتە دەوروبەری 7500 چەكدار، ئەمە جگە لە 2500 چەكداری تر كە لە سووریا بڵاو بوونەتەوە بۆ پاراستنی ڕژێمی بەشار ئەسەد.

 

هەروەها یه‌كێكه‌ له‌و گرووپانه‌شی بەشداریی كردووە لە شەڕی دژ بە ئه‌مه‌ریكییه‌كان به‌ر له‌وه‌ی له‌ 2011 به‌شی هه‌ره‌ زۆری سوپاكه‌یان ببه‌نه‌ ده‌رەوه‌ی عێراق. لە كۆتاییەكانی (2019)شدا، ئەمەریكییەكان گورزیان لە بارەگاكانی ئەم گرووپە لەسەر سنووری عێراق-سووریا وەشاند و 28 كەسیان لێ كوشتن ئەمەش خۆپیشاندانە بەناوبانگەكەی لایەنگرانی حەشدی لەبەردەم باڵیۆزخانەی ئەمەریكای لە بەغدا بەدوادا هات كە سەری كێشا بۆ كوشتنی سلێمانی و ئەبو مەهدی.

 

ئەپی نوێی ناس کورد دابەزێنە بۆ بینینی بەپەلە و هەواڵەکان: بۆ ئایفۆن بۆ گالاکسی - بۆ هواوى