گه‌ڕان

Shadow Shadow
سیاسه‌تی

تەنها لەم كاتەدا پەیوەندی بكەن

ترەمپ چاوەڕێی تەلەفۆنی بەرپرسانی ئێرانە

2019.05.21 - 09:06
App store icon Play store icon Play store icon
ترەمپ چاوەڕێی تەلەفۆنی بەرپرسانی ئێرانە

کەناڵی ناس کورد لە تێلیگرام جۆین بکە   

ناس كورد- دۆناڵد ترەمپ لە نوێترین لێدوانیدا سەبارەت بە پەیوەندییەكانی وڵاتەكەی لەگەڵ ئێران ئاماژە بەوە دەکات، ئێران زۆر دوژمنكارانە مامەڵەی كردووە، دەشڵێت "هەركات ئێران ئامادەبوو گفتوگۆی لەگەڵ دەكەین". . لە میانەی لێدوانێكیدا بۆ ڕۆژنامەنووسان لە كۆشكی سپی، دۆناڵد ترەمپ سەرۆكی ئەمریكا ڕایگەیاند "ئێران زۆر دوژمنكارانە دژی بەرژەوەندییەكانی ئەمریكا لە ڕۆژهەڵاتی ناوەڕاست مامەڵەی كردووە و ئەگەر هەر هەنگاوێكی كرداری بنێن ڕووبەڕوویان دەبینەوە". . وتیشی"هەركات ئێران ئامادەبوو گفتوگۆی لەگەڵ دەكەین، بەڵام لە ئێستادا هیچ پەیوەندییەك و نزیكبوونەوەیەك لە نێوانماندا نییە". . ترەمپ جەختیشیكردەوە، بەرپرسانی ئێران با پەیوەندی پێوە نەكەن، تەنها لە كاتێكدا نەبێت كە ئامادەی ڕێككەوتن بن. . هاوكات سەبارەت بەوەی ئەمریكا هەوڵ دەدات گفتوگۆ لەگەڵ ئێران بكات، لە تویتێكیدا ترەمپ روونیدەكاتەوە، میدیاكان بێ ئەوەی زانیارییان هەبێت، هەندێ شتی هەڵەیان بڵاوكردۆتەوە، كە ئەمریكا لە هەوڵدایە بۆ ڕێككەوتن لەگەڵ ئێران، بەڵام ئەوە ڕاست نییە و هیچكات ئەمریكا هەوڵی نەداوە بۆ دەستپێكردنی گفتوگۆ و ڕێككەوتن. . لە دوای چڕبوونەوەی گرژی و ئاڵۆزییەكانی ئەمریكا و ئێران، ئەمە دووەمین جارە ترەمپ پەیام بۆ بەرپرسانی ئێران دەنێرێت كە بۆ گفتوگۆ و ڕێككەوتن پەیوەندی پێوە بكەن. .