گه‌ڕان

Shadow Shadow
سیاسه‌تی

وردەکاری بخوێنەوە

هۆکاری بڵاوبوونەوەى دوو فەوجی سوپا لەناو شەقامەکانی بەغدا ئاشکرا کرا

2020.12.25 - 16:45
App store icon Play store icon Play store icon
هۆکاری بڵاوبوونەوەى دوو فەوجی سوپا لەناو شەقامەکانی بەغدا ئاشکرا کرا

ناس کورد-

لیژنەی ئاسایش و بەرگری لە پەرلەمانی عێراق ڕايگەياند، دوو فەوجی کۆماندۆی سوپای عێراق لە بەغدای پایتەخت بڵاوکراوەنەتەوە، ئەوەیش دوای ئەوەی موقتەدا سەدری ڕێبەری ڕەوتی سەدر داوای کردبوو باری لەناکاو لە بەغدا ڕابگەیەندرێت.

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە  

لەوبارەیەوە محەمەد ڕەزا ئال حەیدەر، سەرۆکی لیژنەی ئاسایش و بەرگریی لە پەرلەمانی عێراق لە لێدوانێکی ڕۆژنامەوانییدا کە ناس کورد بەدواداچوونی بۆ کردووە (25ی کانونی یەکەمی 2020) ڕایگەیاند، لیژنەکەیان لەگەڵ بانگەوازەکەی موقتەدا سەدرە سەبارەت بە راگەیاندنی باری لەناکاو لە بەغدا و وتی، "پێویستە سوپای عێراق ئەو ناوچانەی بەغدا کۆنترۆڵ بکات کە مووشەکیان لێوەی ئاڕاستەی باڵیۆزخانەکان دەکرێت کە بەپێی یاسای نێودەوڵەتی ھێڵی سوورە".

 

ڕاشیگەیاند، "پێویستە ئاسایش و یاسا لە بەغدا بسەپێندرێت و ڕێگە نەدرێت کردەی تیرۆرکردن و ھێرشکردنە سەر شوێنە گشتییەکان ئەنجام بدرێت و وتی، "دوای بانگەوازەکەی موقتەدا سەدر سەبارەت بە راگەیاندنی باری لەناکاو، دوو فەوجی کۆماندۆ لە بەغدا بڵاوکراوەنەتەوە".

 

محەمەد رەزا ئال حەیدەر وتیشی، "فەرماندەیی ئۆپەراسیۆنەکانی بەغدا، فەرماندەیی ئۆپەراسیۆنە ھاوبەشەکان، وەزیری بەرگریی و سەرۆک ئەرکانی سوپا سەرجەمیان لەگەڵ ئەوەدان کە ھێزەکانی سوپا لە بەغدا بڵاوبکرێنەوە".

 

پێشتر موقتەدا سەدر داوای کردبوو کە باری لەناکاو لە بەغدای پایتەخت رابگەیەندرێت و ڕاشیگەیاندبوو کە پشت بە ھێزەکانی سوپای عێراق ببەسترێت بۆ پاراستنی خەڵکی مەدەنی و نێردەکانی دیپلۆماتی لە بەغدا.

 

باڵیۆزخانەی ئەمریکا لە بەغدا ئەو دەنگۆیانە ڕەت دەکاتەوە کە باس لە چۆڵکردنی باڵیۆزخانەکە و گواستنەوەى بۆ هەولێر دەکرێت.  

  

کەناڵی ناس کورد لە تێلیگرام جۆین بکە  

لە تویتێکیدا کە ناس کورد بەدواداچوونی بۆ کردووە، باڵیۆزخانەی ئەمریکا لە بەغدا (25ی کانونی یەکەمی 2020) جەخت دەکاتەوە کە ماسیۆ تولەر، باڵێۆزی ئەمریکا لە عێراق لە بەغدا ماوەتەوە و باڵیۆزخانەکەش کاری ئاسایی خۆی دەکات.  


  

رۆژنامەی ئەلعەرەبی چاپی لەندەن لەزاری سەرچاوە دیبلۆماسییەكانەوە بڵاویكردەوە كە ئەمەریكا باڵیۆزخانەكەی لەبەغدا چۆڵ كردووە و بەشێك لەكارمەندەكانیشی ڕەوانەی هەولێر كردووە.    

  

رۆژنامەكە لە راپۆرتێكدا (25 كانونی یەكەم 2020) كە "ناس كورد" بەدواداچوونی بۆ كردووە هۆكاری چۆڵكردنەكە دەگێڕێتەوە بۆ نزیكبوونەوەی ساڵیادی كوشتنی قاسم سلێمانی و ئەبو مەهدی لە 3 كانونی دووەم و سەرهەڵدانەوەی دیاردەی موشەك گرتنە باڵیۆزخانەكە لەلایەن گروپە چەكدارەكانەوە.     

  

سەرچاوەكان ئەوەشیان راگەیاندووە بەشێك لەكارمەندەكان چوونەتەوە ئەمەریكا، بەشێكیتری بۆ جێگایەكیتر لەبەغدا، بەشێكیشی بەرەو شاری هەولێر رۆشتوون بۆ بەڕێكردنی كاروبارە گرنگەكان.    

  

پێگەى "ئەکسیوس" ى ئەمریکى (24ی کانونی یەکەمی 2020) لە راپۆرتیکدا  کە "ناس کورد" بەدواداچوونى بۆ کردووە بڵاویکردەوە، ئەمریکا تاوتوێی داخستنى خێراى باڵیۆزخانەکەى لەبەغدا دەکات دواى هێرشە موشەکییەکان بۆ سەر ناوچەى سەوز لەلایەن گروپەکانى سەر بە ئێرانەوە، ئەوەش بەپێی دوو سەرچاوەى ئاگادار لە گفتوگۆکان بۆ.      

  

بەپێی پێگەکە، ئەو هەنگاوە لەناو چەندین بژاردەدا تاوتوێدەکرێت، وەک سەرەتایەک بۆ وەڵامدانەوەى هێرشى گروپەکانى سەر بە ئێران.      

  

باسى لەوەشکردووە، لەئەگەرى داخستنى باڵیۆزخانەکەدا لەبەغدا، ماسیۆ تولەر باڵیۆزى ئەمریکا بۆ هەولێر یان بۆ بنکەی ئەسەدى ئاسمانى لە خۆرئاواى عێراق دەگوازرێتەوە.