گه‌ڕان

Shadow Shadow
سیاسه‌تی

وردەکاریى

داواکارى وەزارەتى کشتوکاڵ بۆ گرتنەبەرى ڕێکارى توند لە دەروازە سنورییەکان 

2020.12.24 - 08:35
App store icon Play store icon Play store icon
داواکارى وەزارەتى کشتوکاڵ بۆ گرتنەبەرى ڕێکارى توند لە دەروازە سنورییەکان 

ناس کورد-

وەزارەتی کشتوکاڵیی عێراق داوا دەکات وەک پاڵپشتییەک بۆ جوتیاران، حکومەت ڕێکاری توند لە دەروازە سنورییەکاندا بگرێتە بەر بەمەبەستی بەرگرتن لەهاتنە ناوەوەی ئەو بەروبومە کشتوکاڵیانەی کە لەلایەن جوتیارانەوە دەچێنرێن، بەتایبەتی بەروبومی تەماتە و پەتاتە.

 

کەناڵی ناس کورد لە تێلیگرام جۆین بکە   

وەزارەتەکە لەڕاگەیەندراوێکدا کە لەسەر زاری حەمید نایف، وتەبێژەکەی بڵاوکراوەتەوە (24ی کانوونی یەکەمی 2020) و" ناس کورد" بەدواداچوونی بۆکردووە، ڕایگەیاند "داوا دەکەین لە دەستەی دەروازە سنورییەکانی عێراق ڕێکاریی توند لەهەموو دەروازە سنورییەکانیدا بگرێتە بەر بۆ ڕێگریکردن لەهاتنە ناوەوەی ئەو بەروبومە کشتوکاڵیانەی کە لە ئێستادا توانراوە خود بژیوی تێیدا فەراهەم بکرێت، ئەوەش وەک پاڵپشتییەک بۆ جوتیارانی عێراق".

 

 ئاماژە بەوەشکراوە "پابەندنەبوون بە ڕۆزنامەی کشتوکاڵیی وەزارەت و زیادڕەوی لە هاوردەکردنی ئەو بەرووبومانە، زیان و زەرەرێکی گەورە بە جوتیاران دەگەیەنێت، ئەوەش وادەکات لەچاندنی ئەو بەروبومانە ساردببنەوە و دواتریش وازی لێبهێن کە لە داهاتودا دەبێتە مایەی زیان گەیاندن بە سەبەتەی خۆراکی هاووڵاتیانی عێراق".

 

وتەبێژەکەی وەزارەتی کشتوکاڵیی عێراق ئەوەشی خستووەتەڕو، لە ئێستادا عێراق توانیویەتی خود بژێوی لە زیاتر لە 23 بەروبومی کشتوکاڵی دەستەبەر بکات بە تایبەتی بەروبومی تەماتەوە و پەتاتە، بۆیە دەبێت هەمووان خەمخۆری پارێزگاریکردن بن لە بەروبومی کشتوکاڵیی نیشتیمانی".