گه‌ڕان

Shadow Shadow
سیاسه‌تی

زانیارى زیاتر

هۆشدارییەک لە ئەمەریکاوە لەبارەى پەرەسەندنى چالاکییەکانی ئێران لەناوچەکە

2020.12.23 - 23:44
App store icon Play store icon Play store icon
هۆشدارییەک لە ئەمەریکاوە لەبارەى پەرەسەندنى چالاکییەکانی ئێران لەناوچەکە

ناس کورد-

فەرماندەی فەرماندەیی ناوەندیی سوپای ئەمەریکا، هۆشداریدا لەپەرەسەندنی چالاکییە "گوماناوییەکان"ی ئێران لە ناوچەکە و ڕایگەیاند، هەرچەندە ژێرئاوگەڕێکی ئەتۆمیان ڕەوانەی ئاوەکانی کەنداو کردووە، بەڵام ئەوان خۆیان بە دور دەگرن لە پێکدادانی سەربازیی لەگەڵ ئەو وڵاتە. 

 

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە  

 

لەمیانەی دیمانەیەکی تەلەفزیۆنیدا لەگەڵ تۆڕی هەواڵی"ئەی.بی.سی"ی ئەمەریکی (23ی کانوونی یەکەمی 2020) کە" ناس کورد" بە دواداچوونی بۆ کردووە، جەنەڕاڵ کێنس ماکینزی، فەرماندەی فەرماندەیی ناوەندیی سوپای ئەمەریکا ڕایگەیاند "چالاکییە گوماناوییەکانی ئێران لە ناوچەکەدا پەرەی سەندووە".

 

وتیشی "سوپای ئەمەریکا بەهیچ شێوەیەک نیازی ڕوبەڕوبونەوەی لەگەڵ ئێراندا نییە".

 

لەبارەی پەرەسەندنی پێشهاتەکان لە عێراق و بەتایبەتی پاش دوایین هێرشی موشەکی بۆ سەر بەرژەوەندییەکانی ئەمەریکا لەو وڵاتە، ماکینزی وتی "بابەتەکە جێگای نیگەرانییە".

 

لێدوانەکانی فەرماندەی فەرماندەیی ناوەندیی سوپای ئەمەریکا، لە کاتێکدایە کە ڕۆژی (دووشەممە)ی ڕابردوو، ژێرئاو گەڕێکی ئەتۆمی ئەمەریکا بە بڕیارێکی پەنتاگۆن دەرتەنگی (هورمز)ی تێپەڕاند و گەیشتە ئاوەکانی کەنداو، بەرپرسە سەربازییەکانی ئەمەریکاش ناردنی ئەو ژێرئاوگەڕەیان وەک هۆشدارییەک بە ئێران ناوبرد.

 

هاوکات سوپای پاسدارانی ئێران وەک لێدوانێکی تەنزئامێز لەبارەى گەیشتنی ژێر ئاوە ئەتومییەکەی ئەمەریکا بۆ ئاوەکانی کەنداو ڕایگەیاند "بە تۆڕی ڕاوکردنی ماسی ژێرئاو گەڕەکەی ئەمەریکا ڕاودەکەین".

 

ئەپی نوێی ناس کورد دابەزێنە بۆ بینینی بەپەلە و هەواڵەکان: بۆ ئایفۆن بۆ گالاکسی - بۆ هواوى