گه‌ڕان

Shadow Shadow
سیاسه‌تی

وردەکاریى

پێشمەرگە دێرینەکانی یەکێتی هۆشداری دەدەن ’10 ڕۆژ مۆڵەتتان هەیە’  

2020.12.23 - 22:35
App store icon Play store icon Play store icon
پێشمەرگە دێرینەکانی یەکێتی هۆشداری دەدەن ’10 ڕۆژ مۆڵەتتان هەیە’  

ناس کورد-

ژمارەیەک پێشمەرگەی دێرینی یەکێتیى نیشتیمانیى کوردستان لە هەڵەبجە و شارەزوور لەبەرانبەر خراپی گوزەرانیان هۆشداری دەدەنە حزبەکەیان ماوەی 10 ڕۆژ بۆ جێبەجێکردنی داواکاریەکانیان دیاری دەکەن و دەڵێن "ئەگەر وەڵاممان نەدرێتەوە بارەگاکانمان دادەخەین و سەرجەم چالاکییەکان ڕادەگرین".

 

کەناڵی ناس کورد لە تێلیگرام جۆین بکە   

ھادی عەبدوڵڵا لێپرسراوی نوسینگەی ھەڵەبجە و شارەزوری پێشمەرگە دێرینە دانەبڕاوەکان (23ی کانونی یەکەمی 2020) بە "ناس کورد"ی ڕاگەیاند، وەکو ژمارەیەک پێشمەرگەی دێرينی یەکێتی لەسنوری (هەڵەبجەو پێنجوێن و شارەزورو عەربەت) کە نزیکەی 200 پێشمەرگەین و 100 لەوانە خانەنشینن و موچەیان کەمەو ژمارەیەکیان بریندارن و توانای چارەسەریان نییە، بەهۆی خراپی باری دارایی و کەمی مووچەکانمان کە مووچەمان لە 400 هەزار بۆ 700 هەزارە و دوو مانگ جارێک وەریدەگرین ماوەی 10 ڕۆژ مۆڵەت دەدەینە یەکێتی کە ئێمە پێشمەرگەی ئەو حزبەین تاوەکو داواکاریەکانمان جێبەجێ بکەن.

 

باسی لەوەشکرد، داواکاریەکانمان لە چارەسەرکردنی بریندارەکان و هاوکاری ئەوانەی مووچەیان کەمە خۆی دەبینێتەوە و ئەگەر ئەو 10 رۆژە وەڵاممان نەدرێتەوە ئەوا هەڵوێستی خۆمان ڕا دەگەیەنین.

 

لێپرسراوی نوسینگەی ھەڵەبجە و شارەزوری پێشمەرگە دێرینە دانەبڕاوەکان لەبارەی هەڵوێستەکانیان لە ئەگەری بەدەنگەوە نەچونیان، وتی "ئێمە خۆپیشاندان ناکەین بەڵکو هەڵوێستەکانمان خۆی دەبینێتەوە لە ڕاگرتنی سەرجەم چالاکی و جموجوڵەکانمان و داخستنی بارەگاکانمان و بۆ ئەوەش ژمارەیەک کادیری یەکێتی پشتیوانی خۆیان دەربڕیوە و ئەوانیش بەڵێنیانداوە بە پشتیوانی کردنمان ئەگەر بەدەنگمانەوە نەیەن".