گه‌ڕان

Shadow Shadow
سیاسه‌تی

شوێنەکانیان ئاشکرا کردووە

بەشێک لە دەستگیرکراوانی دهۆک لە زیندانەوە پەیوەندییان بە کەسوکاریانەوە کردووە

2020.12.22 - 18:57
App store icon Play store icon Play store icon
بەشێک لە دەستگیرکراوانی دهۆک لە زیندانەوە پەیوەندییان بە کەسوکاریانەوە کردووە

ناس کورد-

پاش نزیکەی دوو مانگ لە دەستگیرکردنیان، بەشێک لە زیندانییەکانی بادینان پەیوەندی بە کەسوکاریانەوە دەکەن و شوێنی خۆیان و بارودۆخیان ئاشکرا دەکەن.

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە

بەپێی زانیاریەکان ئەمرۆ سێشەممە (22ی کانونی یەکەمی 2020)، هەربەک لە شێروان شێروانی و گوهدار زێباری و شڤان سەعید و هاریوان عیسا لە زیندانەوە پەیوەندیان بە کەسوکاریانەوە کردوە.

 

لەو بارەیەوە سەعید بەڕۆشکی، باوکی شڤان سەعیدی دەستبەسەرکراو بە ناس کوردی ڕایگەیاند، کاتژمێر 12:30 خولەک پاش دوو مانگ کوڕەکەیان بۆ یەکەمجار پەیوەندی پێیانەوە کردووە، پێی وتوون، کە لە ئاسایشی گشتی هەولێر دەستبەسەرە و لە قۆناغی لێکۆڵینەوەدا تەواوبووە و چاوەڕێی دادگاییکردنە.

 

وتیشی، کوڕەکەیان پێی راگەیاندوون "لە دۆخێکی باشدایە و هیچ ئەشکەنجە نەدراوە، هەروەها دڵی لای مناڵ و هاوسەر و کەسوکارەکانیەتی".


هاوکات، حەمەد ئەمین کادانی، باوکی ڕۆژنامەنوسی دەستگیرکراو گوهدار زێباری بە ناس کوردی ڕاگەیاند، گوهدار پەیوەندیان پێوەکردوە و ئەویش پێیانی وتووە کە لە ئاسایشی هەولێرە و لە دۆخێکی تەندروستی زۆرباش دایە.

 

هەروەها گوهدار پێیانی وتووە، کە بۆ بەڕێکردنی کارەکانی دادگا پارێزەرێکی بۆ بگرن، و "ئێمەش بوی دابین دەکەین".

 

لەبارەی ئەوەی لەو ماوەیەی کە دەستگیرکراوە، هیچ ئەشکەنجە و ئازارێکیانی پێگەیاندوون، باوکی گوهدار وتی، "کوڕەکەم بەئێمەی وت هیچ جورە ئەشکەنجە و مامەڵەیەکی خراپ نەبووە و ئەو زۆر باشە".

 

هەریکە لە سەعید بەڕۆشکی و محەمەد ئەمین کادانی لەڕێگای ناس کوردەوە داخوازی خویان گەیاندن و وتیان، "داوا لە لایەنی پەیوەندیدارەکان دەکەین، هەرچی زووە کوڕەکانیان ئازاد بکەن چونکە بێ تاوانن و هیچیان نەکردوە".