گه‌ڕان

Shadow Shadow
سیاسه‌تی

دادگای ئەوروپا داوا دەکات تورکیا بەپەلە سەڵاحەدین دەمیرتاش ئازاد بکات

2020.12.22 - 17:20
App store icon Play store icon Play store icon
دادگای ئەوروپا داوا دەکات تورکیا بەپەلە سەڵاحەدین دەمیرتاش ئازاد بکات

ناس کورد-

دادگای مافی مرۆڤی ئەوروپا درێژکردنەوەى دەستگیرکردنی سەڵاحەدین دەمیرتاشی لەلایەن دەسەڵاتدارانی تورکیاوە ئیدانەکرد و بڕیاری دا دەستبەجێ ئازاد بکرێت.

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە

دادگای مافی مرۆڤی ئەوروپا لە ڕاگەیەنراوێکدا کە ناس کورد کۆپییەکی بە دەست گەیشتووە (22ی کانونی یەکەمی 2020) دەڵێت، "هیچ بەڵگەیەک نییە تۆمەتەکانی سەر سەڵاحەدین دەمیرتاش پشتڕاست بکاتەوە."

 

پێتشر ڕێکخراوی هیومان ڕایتس وۆچی نێودەوڵەتی داوای "بەپەلە ئازادکردنی" سەڵاحەدین دەمیرتاش، هاوسەرۆکی پێشووی هەدەپەی کرد وەک پابەندبوونێک بە بڕیاری دادگای ئەوروپی بۆ مافەکانی مرۆڤ کە ساڵی 2018 بڕیاری دا بە ئازادکردنی.  

  

سەڵاحەدین دەمیرتاش، هاوسەرۆکی پێشووی پارتی دیموکراتی گەلان (هەدەپە) لە تشرینی دووەمی 2016 بە تۆمەتی پەیوەندیدار بە "تیرۆرەوە" دەستگیرکرا.  

  

هەرچەندە دادگاکانی تورکیا بڕیاریان داوە بە ئازادکردنی مەجداری ناوبراو دوای بڕیاری دادگای ئەوروپا بۆ مافەکانی مرۆڤ، بەڵام هێشتا لە زیندانێکی شاری ئەدرنە لە باکوری ڕۆژئاوای تورکیا دەستبەسەرە.  

  

لە دانیشتنى 19هەمینى دادگایکردنى لە 2ی ئەیلولی 2019، دادگا بڕیارى بێتاوانى دەمیرتاشى لە دۆسیەى پەکەکە دەرکرد. 

 

ڕێکخراوی هیومان ڕایتس وۆچ لە ڕاگەیەنراوێکدا کە کۆپییەکی دەستی ناس کورد کەوتووە (19ی تشرینی دووەمی 2020) دەڵێت، "بەردەوامی دەستگیرکردنی سەڵاحەدین دەمیرتاش و هەشت پەرلەمانتاری تری هەدەپە وەک هێرشێکی حکومەت وایە بۆسەر ئەو پارتە."  


دەشڵێت، "ئەوە زاڵبوونی دەسەڵاتی جێبەجێکردنە بەسەر دەسەڵاتی دادوەریدا."