گه‌ڕان

Shadow Shadow
سیاسه‌تی

وردەکاری بخوێنەوە

کاریگەی نرخی دۆلار لەسەر کڕین و فرۆشتنی زەوی و خانوو لە هەرێم

2020.12.21 - 19:37
App store icon Play store icon Play store icon
کاریگەی نرخی دۆلار لەسەر کڕین و فرۆشتنی زەوی و خانوو لە هەرێم

ناس کورد-

خاوەنی نوسینگەکان لە شاری سلێمانی بۆچوونی جیاوازیان لەبارەی زیادبوونی نرخی زەوی و خانو هەیە لە دوای بەرزبوونەوەی نرخی دۆلار بەرانبەر دیناری عێراقی، بەڵام هەموویان کۆکن کە لەئێستادا "تاڕادەیەک بازاڕی کڕین و فرۆشتن وەستاوە".

کەناڵی ناس کورد لە تێلیگرام جۆین بکە   

 

بەرزبوونەوەى زۆر و بەرچاوی نرخی دۆلاری ئەمریکی بەرامبەر دیناری عێراقی کاریگەری لەسەر نرخی زۆربەى شتومەکەکان هەبووە لە بازاڕدا، لەئێستادا نرخی 100 دۆلار بەرامبەرە بە 138 هەزار دینار.

کەناڵی ناس کورد لە تێلیگرام جۆین بکە

شاخەوان بەکر، خاوەنی نوسینگەیەکی کڕین و فرۆشتنی خانو و زەوییە لە سلێمانی، ئەو بە "ناس کورد" (21ی کانونی یەکەمی 2020) وت، "تائێستا گۆڕانکاری لە نرخی زەوی خانوو ڕوینەداوە بەهۆی بەرزبوونەوەی نرخی دۆلار بەرانبەر دیناری عێراقی، بەڵام ئەگەر بەرزبوونەوەی دۆلار بەردەوامبیت لەداهاتوو کاریگەری دەبێت و چاوەڕەواندەکرێت نرخی خانوو زەوی بەرز ببێتەوە بەجۆرێک رەنگە نرخەکان لە 5% تاوەکو 10% زیاد بکات".

 

ئەوەشی وت، "بەهۆی بەرزبوونەوەی نرخی دۆلار تا ڕادەیەک مامەڵەکردنی بە موڵک ڕاوەستاندووە".

 

هاوکات باقی محەمەد، خاوەنی یەکێکی ترە لە نوسینگەکانی کڕین و فرۆشتنی خانوو و زەوی بە "ناس کورد" وتی، "پێم وایە بەهۆی ئەوەی زۆربەی هاووڵاتیان پارەی عێراقییان هەیە و ئێستا نرخی دۆلار بەرزبووەتەوە، ڕەنگە نرخی زەوی خانوو بەراورد بەپێشتر دابەزێت، بەڵام تائیستا هیچ گۆڕانکارییەک ڕوینەداوە و تەنها بازاڕی کڕین و فرۆشتنی وەستاندووە".

 

ئەپی نوێی ناس کورد دابەزێنە بۆ بینینی بەپەلە و هەواڵەکان: بۆ ئایفۆن - بۆ گالاکسی - بۆ هواوى

 

باقی نمونەیەکی مامەڵەی هێنایەوە بەوەی کە "ئێوارەی ئەمڕۆ مامەڵەیەک کراوە بۆ کڕینی زەوییەک بە نرخی دۆلار بەڵام ئەوکەسەی زەوییەکەی کڕیوە داوایکردووە هەزارو پێنچ سەد تاوەکو دوو هەزار دۆلاری بۆ کەم بکرێتەوە بەهۆی ئەوەی پارەی عێراقی پێبووە و لەکاتی گۆڕینەوەی بە دۆلاری ئەمریکی پارەیەکی زیاتری پێدەدات بەوەش ڕێکنەکەوتن و مامەڵەکەیان ڕاگرتووە".