گه‌ڕان

Shadow Shadow
سیاسه‌تی

هۆکار چییە؟

شەپۆلى پێچەوانەى دینار بازاڕ شۆک دەکات

2020.12.21 - 17:40
App store icon Play store icon Play store icon
شەپۆلى پێچەوانەى دینار بازاڕ شۆک دەکات

ناس کورد- هەڤاڵ فەتاح

نرخى دینار بەرانبەر دۆلار خەریکە ئاڕاستەیەکى تاڕادەیەک پێچەوانە دەگرێتەبەر بەرانبەر بڕیارى دابەزاندنى نرخەکەى و هێشتا نەگەیشتووەتە ئەو بەهایەى کە بانکى ناوەندى عێراق دیاریکردووە.

کەناڵی ناس کورد لە تێلیگرام جۆین بکە   

 

بەپێی بڕیارى بانکى ناوەندى نرخی 100 دۆلاری ئەمریکی بۆ کڕیار بە 147 هەزار دینار دیاریکراوە، بەڵام لەماوەى سێ رۆژى مامەڵەى دواى بڕیارەکەدا هێشتا نرخەکە نەگەیشتووەتە ئەو ئاستە و ئەمڕۆ بەهاى دینار بەرانبەر دۆلار بەرزبوویەوە.

کەناڵی ناس کورد لە تێلیگرام جۆین بکە

بازرگانەکانی ئاڵۆگۆڕی دراو هۆکارى بەرزى بەهاى دینار دەگەرێننەوە بۆ زۆری خستنەڕووی دۆلار کە لەلایەن هاووڵاتیانەوە بەمەبەستی دەستخستنی قازانج و ئەو خۆپیشاندانەی کە لە ئێستادا لە شارەکانی عێراق دژ بە بڕیارەکە سەریهەڵداوە.

 

ساجد محەمەد، خاوەنی نوسینەگەی هەورامان لە بازاری دۆلارەکەی شاری سلێمانی (21ی کانوونی یەکەمی 2020) بە "ناس کورد"ی ڕاگەیاند "خەڵکێکی زۆر لە ئێستادا ڕوویکردووەتە بازاری دۆلارەکە و دۆلارەکانیان دەفرۆشن، بەشێکی هەر زۆریان خەڵکی قەزاوناحییەکان و دەرەوەی شارن، ئەوەش وایکردووە خستنەڕووی ئەو دراوە لە بازاڕدا زۆربێت، بۆیە کاریگەری کردووەتە سەر نرخەکەی".

 

وتیشى، "بەشێکی زۆری ئەوانەی دۆلارەکانیان دەفرۆشن بە مەبەستی قازانج دەیفرۆشن بە ئامانجی ئەوەی دواتر کە نرخەکەی دادەبەزێت جارێکی تر بیکڕنەوە، بە تایبەتی دوای ئەوەی کە خۆپیشاندان دژ بە بڕیارەکەی بانکی ناوەندی لە شارەکانی عێراق دەستی پێکردووە".

 

نرخى 100 دۆلار ئێوارەى ئەمڕۆ لەکاتى داخستنى بازاڕدا بەرانبەر 139 هەزار دینار جێگیربوو، لەکاتێکدا پێشتر بە 141 هەزار دینار مامەڵەى پێوەدەکرا.

 

ئارێزحاجی واحید، خاوەنی نوسینگەی لازیا بۆ کڕین و فرۆشتنی دۆلار لە سلێمانی بە "ناس کورد، ى وت "تائێستا کەس نازانێت چی دەگوزەرێت، بەشێک لە هاوڵاتیان هەڵکشان و داکشانی دۆلار بە فێلێکی حکومەت لە قەڵەم دەدەن، بۆیە ئەو دڵەڕاوکێیە وایکردووە نرخی دۆلار جێگیر نەبێت، سەربارەی ئەوەی کە لە ئیستادا لە بانکی ناوەندی یەک دۆلار بە 1460 دینار دەفرۆشێت".

 

ئەپی نوێی ناس کورد دابەزێنە بۆ بینینی بەپەلە و هەواڵەکان: بۆ ئایفۆن - بۆ گالاکسی - بۆ هواوى

 

وتیشی "ئەوەی تێبینی کراوە ئەمڕۆ بەشێکی زۆر لە بانکە ئەهلییەکان و کۆمپانیاکانی پەیوەندی لەشاری سلێمانی و هەولێر دۆلاریان کریوە".