گه‌ڕان

Shadow Shadow
سیاسه‌تی

وردەکاریی

کرێی خوێندنى بەشێک لە خوێندکارانى ئێواران دادەشکێنرێت

2020.12.21 - 16:33
App store icon Play store icon Play store icon
کرێی خوێندنى بەشێک لە خوێندکارانى ئێواران دادەشکێنرێت

ناس کورد-

بڕیاردەرى لیژنەى پەروەردە و خوێندنى باڵا لە پەرلەمانى کوردستان رایگەیاند، بڕیاری داشكاندنی كرێی خوێندنی ئەو مامۆستایانە دراوە كە لە بەشەکانى ئێوارانى زانکۆکان دەخوێنن.

کەناڵی ناس کورد لە تێلیگرام جۆین بکە   

 

گەلاوێژ عوبێد لەلاپەڕەى خۆى لە فەیسبوک کە "ناس کورد" بینیویەتى نوسویەتى، "داشكاندنەکە تایبەتە بە كرێی خوێندنی ئەو مامۆستایانەی كە سەر بە وەزارەتی پەروەردەن و لە هەمان كاتدا قوتابین (ئێواران) لە كۆلێژەكانی بنیاتی زانكۆی سەلاحەدین و زانكۆی دهۆك".

 

ئاماژەى بەوەشکردووە، ئەو داشكاندنە بە هەمان شێوازی ساڵی رابردوو دەبێت.

 

پێشتر وەزارەتی پەروەردەی هەرێمی کورسستان بڕیاری دا بە داشکاندنی کرێی خوێندنی هەموو قوتابیانی (قوتابخانە و خوێندنگە و پەیمانگاکانی وەزارەتی پەروەردە - ناحکومی بۆ وەرزی یەکەمی (نیوەی ساڵ).  

  

بەپێی بڕیارەکەی وەزارەتی پەروەردە کە واژۆی ئالان حەمە سەعیدی وەزیری پێوەیە و کۆپییەکی دەستی ناس کورد کەوتووە (16ی کانونی یەکەمی 2020)، کرێی قوتابخانە و پەیمانگاکانی (لۆکاڵی) بە ڕێژەی 25%ی کرێی خوێندنی وەرزی یەکەم کەم دەکرێتەوە.  

  

دەشڵێت، کرێی قوتابخانە نیودەوڵەتییەکان بەڕێژەی 15% کرێی خوێندن کەم دەکەنەوە.  

No photo description available.