گه‌ڕان

Shadow Shadow
سیاسه‌تی

وەزارەتی دەرەوەی ئەمەریکا و ئێران پەیام بۆ یەکتر دەنێرن

2020.12.21 - 14:33
App store icon Play store icon Play store icon
وەزارەتی دەرەوەی ئەمەریکا و ئێران پەیام بۆ یەکتر دەنێرن

ناس کورد- 

دوای هێرشەکەی شەوی ڕابردوو بۆسەر ناوچەی سەوز لە بەغدا، وەزیرى دەرەوەى ئەمەریکا لایەنەکانی سەر بە ئێران تۆمەتبار دەکات لە ئەنجامدانی هێرشەکە و داوای سزادانیان دەکات، وەزارەتی دەرەوەی ئێرانیش ڕەتیدەکاتەوە پەیوەندییان بە ڕووداوەکەوە هەبێت. 

 

کەناڵی ناس کورد لە تێلیگرام جۆین بکە   

 

مایک پۆمپیۆ، وەزیرى دەرەوەى ئەمەریکا لەتویتێکدا (دووشەممە 21ى کانوونى یەکەمى 2020) ڕایگەیاند، "جارێکى تر میلیشیاکانى سەر بەئێران هێرشی موشەکیان کردە سەربەغدا و لە ئاکامدا چەندین قوربانى مەدەنى عێراقى لێکەوتەوە." 

 

ئاماژەی بەوەشکردووە، " پێویستە خەڵکى عێراق ئەو هێرشکەرانە دادگاى بکەن و دەبێت تاوانباران و گەندەڵکاران دەست لەو جۆرە کارانە هەڵبگرن بۆ تێکدانى ئۆقرەیى لەعێراقدا."

 

لە بەرامبەردا، سەعید خەتیب زادە، وتەبێژی وەزارەتی دەرەوەی ئێران لە کۆنفرانسێکی ڕۆژنامەوانیدا ڕەتیکردەوە هێزەکانی نزیک لە ئێران ئەو هێرشەیان ئەنجام دابێت و ڕایگەیاند، هێرشکردنەسەر شوێنی نیشتەجێی دانیشتووان و دیبلۆماتییەکان جێگەی قبوڵ کردن نیە، بەڵام سروشتی هێرشەکە و کاتەکەی و ڕاگەیەندراوەکەی وەزارەتی دەرەوەی ئەمەریکا گومانی ئەوەی لێدەکرێت کە ئەو ڕاگەیەندراوە پێشتر ئامادەکرابێت 

 

شەوی ڕابردوو بۆ جارێکیتر هێرشى موشەکى کرایە سەر ناوچەى سەوز لەبەغدا و ئەوەش کاردانەوەى زۆرى بەدواى خۆێدا هێناوە و باڵیۆزخانەى ئەمەریکاش لەبەغدا سەرکۆنەی هێرشەکەى کرد و ڕاشیگەیاند، ئەو هێرشە زیانى گیانى لێنەکەوتووەتەوە.