گه‌ڕان

Shadow Shadow
سیاسه‌تی

قەرەبوو بکرێنەوە

لەبارەی ’’شەهیدان و برینداران’’ی خۆپیشاندانەکانی هەرێم نوسراوێک درایە کازمی

2020.12.20 - 09:42
App store icon Play store icon Play store icon
لەبارەی ’’شەهیدان و برینداران’’ی خۆپیشاندانەکانی هەرێم نوسراوێک درایە کازمی

 

ناس کورد-

دوای ئەوەی لە خۆپیشاندانەکانی چەند هەفتەی ڕابردووی هەرێمی کورستان نۆ کەس گیانیان لەدەستدا، سێ پەرلەمانتاری کورد داوایان لە حکومەتی عێراق کرد لەڕیزی شەهیدانی عێراق هەژمار بکرێن و قەرەبوو بکرێنەوە.

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە

هەرسێ پەرلەمانتار، غالب مەحەمەد، ڕێبوار کەریم، سەرکەوت شەمسەدین، نوسراوێکیان ئاڕاستەی مستەفا کازمی، سەرۆک وەزیرانی عێراق کردووە ە تیایدا داوایانکردووە،" شەهیدانی خۆپیشاندانەکانی ئەم دواییەی هەرێم وەک شەهیدانیتری عێراق هەژمار بکرێن و لەگەڵ بریندارەکانیش قەرەبوو بکرێنەوە."

 

ئاماژەیان بەوەشكردووە، "هەمووان پێویستە بەرپرسیارێتی خۆیان لە بەرامبەر میللەت لە ئەستۆ بگرن کە داوای سەرەتاییترین مافەکانی خۆیان کردووە و بوونەتە قوربانی."

 

 

ڕۆژى (2 کانونی یەکەمی 2020) خۆپیشاندان لەدژى دواکەوتنى موچەى فەرمانبەران و خراپى دۆخى دارایی لە سلێمانیەوە دەستیپێکرد و رۆژى دواتر خۆپیشاندانەکە گرژى لێکەوتەوە، کاتێک هێزە ئەمنییەکان هەوڵیاندا رێگرى بکەن لە دەستپێکردنەوەى خۆپیشاندان.      

 

رۆژانى دواتر خۆپیشاندان لە چەند ناوچەیەکى دیکەى سنورى پارێزگاى سلێمانى بەڕێوەچوو، رۆژى (6ى کانونى یەکەمى 2020) خۆپیشاندان لە پیرەمەگرون گرژى لێکەوتەوە و خۆپیشاندەران کۆمیتەى یەکێتى یان سوتاند و هەوڵى سوتاندنى بارەگاى پارتیاندا بەڵام لەلایەن پاسەوان و هێزێکى زۆرەوە دورخرانەوە.      

 

رۆژى (7ی کانونی یەکەمی 2020) ژمارەیەک لە خەڵکانى ناڕازیی لە سەیدساق و دەربەندیخان و کفری و کەلار و چەمچەماڵ و هەڵەبجە و پێنجوێن چەند شارێکی ڕژانە سەر شەقام و بارەگا حزبییەکانى پارتى و یەکێتى و گۆڕان و کۆمەڵ و یەکگرتوو و چەندی بینایەکی تری حکومی لەو شارانە سوتێنران.      

 

بە کۆی گشتی، حەوت خۆپیشاندەر لە چەمچەماڵ، دەربەندیخان، کفری، سەیدسادق و تەکیە و کادیرێکی ناوچەی پێنجوێنی پارتی و فەرماندەیەکی پێشمەرگە لە دوکان گیانیان لەدەستداوە، هاوکات زیاتر لە 100 بریندار لە ڕیزی خۆپیشاندەران و هێزە ئەمنییەکان تۆمار کراون.