گه‌ڕان

Shadow Shadow
سیاسه‌تی

ئەنجامی سەردانی شاندەکە

مامۆستایەکی ناڕازی: شاندەکە هیچ دەستکەوتێکیان نابێت

2020.12.17 - 18:58
App store icon Play store icon Play store icon
مامۆستایەکی ناڕازی: شاندەکە هیچ دەستکەوتێکیان نابێت

ناس کورد- 

ئەندامێکی ئەنجومەنی مامۆستایانی ناڕازی ئاشکرایدەکات، ئەو شاندەی چوونەتە بەغدا بەتەنها مامۆستایانی ناڕازی نین، پێشیوایە، شاندەکە هیچ دەستکەوتێکیان لە سەردانەکە نابێت. 

کەناڵی ناس کورد لە تێلیگرام جۆین بکە   

 

دڵشاد بابانی، ئەندامی ئەنجومەنی مامۆستایانی ناڕازی و ئەنجومەنی فشار (پێنجشەممە 17ی کانوونی یەکەمی 2020) بە "ناس کورد"ی ڕاگەیاند، "ئەو شاندەی چونەتە بەغدا بەتەنها مامۆستایانی ناڕزای نین، بەڵکو لە مامۆستایان، فەرمانبەران، رۆشنبیری و رۆژنامەنوسی تیدایە و پێشتر ئاگاداربووین لە سەردانەکە، بەڵام گفتوگۆی چڕ لەسەر سەردانەکە نەکراوەو ئامانجیش لەسەردانەکە بۆ گفتوگۆکردنە لەبارەی دۆخی فەرمانبەران و موچەخۆرانی هەرێمی کوردستان."



دڵشاد بابانی بۆچوونی خۆی لەبارەی چارەسەرکردنی کێشەکان لە ڕێگەی ئەو شاندەوە ئاشکراکرد و وتی، "من پێم وانییە ئەو شاندە بتوانن هیچ دەستکەوتێکیان هەبێت لەسەردانەکەدا، چونکە کێشەکانی هەرێم و بەغدا لەو ئاستەدا نییە بە ئاسانی چارەسەر بکرێت و بەدەر لەوەش من وەکو خۆم لەگەڵ نوێنەرانی کورد لە بەغدا قسەم کردووەو گفتوگۆمان لەسەر گواستنەوەی مووچەی فەرمانبەران کردووە یەکێک لە خاڵەکان ئەوەیە حکومەتی هەرێم ڕەزامەندی بدات بە گواستنەوەی، ئەوەش زۆر مەحاڵە حکومەتی هەرێم دەستبەرداری فەرمانبەران ببێت و بخرێنەوە سەر بەغدا".

 

دوێنێ چوارشەممە (16ى کانوونى یەکەمى 2020) شاندەکە گەیشتنە بەغدا و "لەلایەن پەرلەمانتاران د.ڕێبوار کەریم و غالب محمەد و سەرکەوت شەمسەدینەوە دیدارێکى فراوانى بەرپرسانى بەغدا بۆ ژمارەیەک لە مامۆستایانى ناڕازى هەرێم لەسەر پرسى گواستنەوەى موچەى فەرمانبەرانى هەرێم بۆ سەر حکومەتى فیدراڵ ڕێکخرا و تا ئێستاش شاندەکە لە بەغدا-ن