گه‌ڕان

Shadow Shadow
سیاسه‌تی

وردەکاریى

پێشبینییەکان بۆ ژمارەى دانیشتوانى عێراق لە 2030دا 

2020.12.17 - 15:00
App store icon Play store icon Play store icon
پێشبینییەکان بۆ ژمارەى دانیشتوانى عێراق لە 2030دا 

ناس کورد- 

وەزارەتى پلاندانى عێراق پێشبینى دەکات بۆ ساڵى 2030 ژمارەى دانیشتوان بگاتە 53 ملیۆن و 297 هەزار کەس و ڕێگاى چارەسەریش بۆ ئاڵنگارییەکانى ئایندە دەخاتە ڕوو.

 

کەناڵی ناس کورد لە تێلیگرام جۆین بکە   

لەلێدوانێکیدا بۆ ڕۆژنامەى سەباحى فەرمى کە "ناس کورد" بەدواداچوونى بۆ کردووە، عەبدولزهرە هەنداوى وتەبێژى وەزارەتى پلاندانانى عێراق (17ى کانوونى یەکەمى 2020) ڕایگەیاند، لەگرنگترین ئەو ئاڵنگارییانەى کە لەقۆناغەکانى داهاتوودا عێراق دووچارى دەبێتەوە بەرزبونەوەى ڕێژەى گەشەى دانیشتوان و بەردەوامى جیاوازى ئابورى و کۆمەڵایەتیە لەنێوان پارێزگاکاندا کە ئەوەش کێشەى شوێنى دانیشتوان قوڵتر دەکاتەوە سەربارى ئەوەى هەوڵ هەیە بۆ چارەسەرکردنى.

 

ئاماژەى بۆ ئەوەش کرد، گرنگە چەند سیاسەتێک بۆ چارەسەرى ئەوە دابڕێژرێت لەوانە ڕێکخستنەوەى خێزان و هۆشیارى کۆمەڵگە بەکەمکردنەوەى مناڵبوون و هەروەها کردنى گوندەکان بەشارەدێ و شارەدێکانیش بکرێن بەشارۆچکە و و ڕەخساندنى خزمەتگوزارى.

 

هەنداوى دەشڵێت، وەبەرهێنان و گەشەپێدان بەو شار و گوند و ناوچانەى کە گەشەیان تێدا کەمە بەشێکە لەچارەسەر.