گه‌ڕان

Shadow Shadow
سیاسه‌تی

وردەکاریى

ڕێزان شێخ دلێر: دواى کۆبونەوەکەى قوباد تاڵەبانى لەگەڵ پەرلەمانتاران زۆر شت گۆڕا

2020.12.17 - 12:34
App store icon Play store icon Play store icon
ڕێزان شێخ دلێر: دواى کۆبونەوەکەى قوباد تاڵەبانى لەگەڵ پەرلەمانتاران زۆر شت گۆڕا

ناس کورد-

ڕێزان شێخ دلێر، ئەندامى پەرلەمانى عێراق لە فراکسیۆنى یەکێتیى نیشتیمانیى کوردستان رایگەیاند، لەدواى کۆبوونەوەى قوباد تاڵەبانى و وەفدى حکومەتى هەرێمى کوردستان لەگەڵ پەرلەمانتارانى عێراق زۆر شت گۆڕا و زۆرێک لەلایەنە عێراقیەکان ڕایان لەسەر هەندێک بابەت گۆڕا.

 

کەناڵی ناس کورد لە تێلیگرام جۆین بکە   

ڕێزان شێخ دلێر، لەمیانەى بڵاوکردنەوەى بابەتێک لە هەژمارى خۆى لە فەیسبوک کە "ناس کورد" بەدواداچوونى بۆ کردوە (17ى کانونى یەکەمى 2020) ئاماژەى بەوە کرد، مامی بچووک زۆر بەڕوونی و ڕاشکاوی ئەوەی گەیاند بە هەموو ئەندامانی پەرلــەمان کە ئەو هاتووە هەموو ئەوانەی خراپکراون لەپێشتر ئەو هاتووە بۆ چاککردنیان.

 

بەوتەى ئەو پەرلەمانتارەى یەکێتى، لایـــەنە سیاسیە عێراقیەکان ئەوانەی وتاری پۆپلیستی توندیان دژ بەهەرێم دەوتەوە هەمووان شۆک بوون بە قسەکانی کاک قـوباد هەر خۆیان دوای کۆبوونەوەکە دەیانوت چاوڕوانی ئەوە نەبووین بەو ڕاشکاویە قسـەبکات.

 

دەشڵێت "کاک قوباد  وەڵامی پرسیاری هەموو پەرلەمانتارانیان دایەوە گەرەنتیاندا بە پەرلەمانتارە عەرەبەکان و هەرێکەوتنێکمان کرد و جێ بەجێ نەکرا  وەرن لە هۆڵە گەورەکەی پەرلەمان بانگم بکـەن و لێپرسینەوەم لەگەڵ بکەن".

 

رونیشیکردەوە، دوای ئەم هـاتنەی سەرۆکی وەفدی حکومەت بۆ ئەنجوومەنی نوێنەرانی عێراق زۆر شت گۆڕا زۆرێک لەلایەنە عێراقیەکان ڕایان لەسەر هەندێک بابەت گۆڕا، ئـومێد دەکەین بە زووترین کات ڕێکەوتنی نێوان هەولێر  و بەغدا بکرێت چونکە سەرۆکە گەنجەکەی وەفدەکە شەو و ڕۆژی خستۆتە سەریەک لەگەڵ تیمەکەی دانوستان دەکەن لە پێناو قووت و موچەی خەڵک.