گه‌ڕان

Shadow Shadow
سیاسه‌تی

لەبارەیەوە چى دەڵێت؟

ئەحمەد حاجى ڕەشید لەسەر بڵاوکردنەوەی ڤیدیۆیەکی هاتە دەنگ 

2020.12.17 - 09:20
App store icon Play store icon Play store icon
ئەحمەد حاجى ڕەشید لەسەر بڵاوکردنەوەی ڤیدیۆیەکی هاتە دەنگ 

ناس کورد- 

ئەحمەد حاجى ڕەشید، ئەندامى پەرلەمانى عێراق لەبارەی بڵاوبونەوەی ڤیدیۆیەکی رونکردنەوە دەدات و دەڵێت "من ئەو ڤیدیۆیە بەسەروەرییەکی بێوێنە دەزانم، ئەوە ڤیدیۆی شان ماچکردن نییە، ئەوە ڤیدیۆی پاڕانەوە و کڕوزانەوە نییە".

 

کەناڵی ناس کورد لە تێلیگرام جۆین بکە   

ئەحمەد حاجی ڕەشید، ئەندامى پەرلەمانی عێراق لەفراکسیۆنى کۆمەڵی ئیسلامی دوای بڵاوبوونەوەی ڤیدیۆیەکی لە تۆڕە کۆمەڵایەتییەکان لەمیانەى بڵاوکردنەوەى رونکردنەوەیەک لە پەیجی خۆی  کە "ناس کورد" بەدواداچوونی بۆ کردووە، نوسیویەتی "ئەو ڤیدیۆیە نەبینراو نییە، هەندێ دەزگای جاسوسی سەر بەلایەنی جاسوسی ڤیدیۆیەکی گروپێک لە پیاوە دڵسۆزەکانی کۆمەڵی ئیسلامی کە لەنێوانیاندا بەندەشی تیایە سرودێکی ئیسلامی دەڵێنەوە کە دەڵێن (خوا مەبەستمانە جیهاد ڕێمانە، پێغەمبەری ئیسلام پێشەوامانە) ئەو ڤیدیۆیە سەفرەیەکی کادیرەکانی مەکتەبی عەسکەری کۆمەڵی ئیسلامیە ئەو کاتەیە کەلەخورماڵ بوین.

 

ئاماژەى بەوەش کردووە "ئەگەر ئێوەی بچوک بودەڵە و هیچ لەباردا نەبوو ئەوە بەنەنگی دەزانن، ئەوا من ئەو ڤیدیۆیە بەسەروەرییەکی بێوێنە دەزانم کە چۆن بووم لە سادە و خاکیبونمدا ئێستەش بە پەرلەمانتاری هەروام، خۆم شوفێری سەیارەکەی خۆم دەکەم و پێداویستی خۆم و خانەوادەکەشم بۆ خۆم دەکڕم لە بازارە شەعبیەکانی سلێمانی و هەڵەبجە، لەئاستی هیچ هاوڵاتیەکدا خۆم بەگەورە نازانم و خزمەتکاری خەڵکی هەموو کوردستانم". 

 

جەختیشى کردۆتەوە، ئەو شوێنانەشی کارم تێدا کردوون لە خوێندنگاکان و ئەنجومەنی پارێزگای سلێمانی و دوو خولی پەرلەمانیم شاهیدن لەسەر ئەوەی دەیڵێم، "تەنها لەئاستی بەرپرسە شکستخواردوو بەدفەڕ و ئاست نزم و دەست پیس و داوێن پیسەکانی ئێوەدا  خۆم بە گەورەو گران دەزانم کە ئامادە نیم هیچ سازشێکیان بۆ بکەم و رەخنەیان ئاڕاستە دەکەم لە گەندەڵی و شکستەکانیان بێدەنگ نابم".