گه‌ڕان

Shadow Shadow
سیاسه‌تی

زانیاری زیاتر

پۆلیس زانیاری لەبارەی هەڵهاتنی زیندانییەک لە چەمچەماڵ ئاشکرا دەکات

2020.12.16 - 15:13
App store icon Play store icon Play store icon
پۆلیس زانیاری لەبارەی هەڵهاتنی زیندانییەک لە چەمچەماڵ ئاشکرا دەکات

ناس کورد-

پۆلیسى سلێمانى هەڵاتنى زیندانیکراوێک لە گرتن و گواستنەوەى چەمچەماڵ پشتڕاستکردەوە و دەشڵێت، ڕوداوەکە دوێنێ شەو بووە لەئێستاشدا هێزەکان سەرقاڵى دەستگیرکردنەوەین.

کەناڵی ناس کورد لە تێلیگرام جۆین بکە   

 

لە لێدوانێکى تایبەتدا بۆ ناس کورد، سەرکەوت ئەحمەد، وتەبێژى پۆلیسى سلێمانى (16کانوونى یەکەمى 2020) وتى، "شەوی ڕابردوو زیندانیەک لە زیندانى چەمچەماڵ هەڵهاتووە، دواى هەڵاتنیشى بەفەرمانى دادوەر فەرمانى دووبارە دەستگیرکردنەوەى بۆ دەرکراوە".

 

وتیشى، "دادوەر ڕەزامەند نەبووە بە بڵاوکردنەوەى چۆنیەتى هەڵاتنەکەى".

 

ئاماژەى بۆ ئەوەش کرد، "لەئێستادا لیژنەیەکیش بۆ ئەو مەبەستە پێکهێنراوە بۆ لێکۆڵینەوە لەوەى گەر کەسێک هاوکار بێت یاخود کەمتەرخەمى کردبێت لە ڕاکردنى ئەو زیندانیە بۆ ئەوەى ڕێوشوێنى یاسایى لەدژى بگیردرێتەبەر".

 

سەرکەوت ئەحمەد جەختى لەوەش کردەوە، هێزەکان ئاگادار کراونەتەوە و بەدەستگیرکردنەوەى و لەئێستادا سەرقاڵى پڕۆسەکەن بۆ دەستگیرکردنەوەى.


لەبارەى تۆمەتەکەشی وتەبێژى پۆلیسى سلێمانى وتى، "ئەو تۆمەتبارە بەمادەى 430 لە یاسای سزادانی عێراق لە زیندان ڕاگیراوە".

 

بەپێی مادەی 430 لە یاسای سزادانی عێراقی، هەر کەسێک هەڕەشە لە یەکێکی تر بکات بە ئەنجامدانی تاوانێ لەدژی خودی کەسەکە یان لەدژی ماڵی کەسەکە یان لە دژی ماڵ یان خودی کەسێکی تر یاخود هەڕەشەی تۆمەتدانە پاڵی کرد بە چەند کارێکی ئابڕووبەر یان هەرەشەی درکاندنی کرد، ئەوە ئەو کەسە سزا دەدرێ بە زیندانیکردن بۆ ماوەیەک لە حەوت ساڵ زیاتر نەبێت یان بە بەندکردن.

 

بەرەبەیانى ئەمڕۆ لە تۆڕە کۆمەڵایەتیەکاندا دەنگۆى هەڵاتنى زیندانیەک لەگرتن و گواستنەوەى چەمچەماڵ بڵاوکرایەوە کە پێشتر بەهۆى تۆمەتبارکردنى بەکەیسى هێرشکردنە سەر دەزگایەکى ئەمنیى زیندانى کراوە.