گه‌ڕان

Shadow Shadow
سیاسه‌تی

شەری ناوخۆی ئەگەرێکە

راپۆرتێکی ئەمریکى: عێراق لە لێواری داڕمانی ئابوری و کەوتنى حکومەتەکەى کازمیدایە

2020.12.15 - 20:37
App store icon Play store icon Play store icon
راپۆرتێکی ئەمریکى: عێراق لە لێواری داڕمانی ئابوری و کەوتنى حکومەتەکەى کازمیدایە

ناس کورد-

گۆڤارێکى ئەمریکى هۆشدارى دەدات لەوەى عێراق ڕووبەڕووى ڕوخانى دارایى بووەتەوە و بارودۆخى خراپە و ئەگەرى هەیە ببێتە هۆى ڕوخانى ڕژێمى سیاسى، ئەوەش دەبێتە هۆى هەڵگیرسانى شەڕى ناوخۆ و جۆ بایدنیش ناتوانێت لە سەرەتادا گرنگى بە عێڕاق بدات.

کەناڵی ناس کورد لە تێلیگرام جۆین بکە   

 

گۆڤارى فۆڕن پۆڵسى لە ڕاپۆرتێکدا کە ناس کورد بەدواداچوونی بۆ کردووە (15ی کانونی یەکەمی 2020) بڵاویکردوەتەوە، عێراق بەرەو ئەوە دەچێت ڕوبەڕوى ڕوخانى دارایى ببێتەوە و بارودۆخى خراپە لە ئێستادا، لەوانەیە ئەوەش ببێتە ڕوخانى ڕژێمە سیاسیەکەى کە ئەگەرى هەیە بەهۆیەوە شەڕى ناوخۆیى دروست ببێت.


کەناڵی ناس کورد لە تێلیگرام جۆین بکە

 

گۆڤارەکە باسى لەوەشکردوە، بە درێژایى دوو دەیەى ڕابردوو گەندەڵى کێشەیەکى دوو جەمسەرى بۆ عێڕاق دروستکردوە، یەکەمیان حکومەتى لاوازى عێڕاق کە ڕێگەى بە سەرجەم حزبە سیاسیە گەورەکان داوە وەزارەتێک یاخود زیاتر بەڕێوەبەرن، ئەوەش بووەتە هۆى دەرکەوتنى تۆڕى گەورەى پشک پشکێنە و گەندەڵى کە داهاتى نەوت هەڵدەمژن و لەسەر شێوازى پلەى وەزیفى و گرێبەست و تایبەتمەند.


سەبارەت بە کێشەى دووەم هاتووە، بڵاوبونەوەى دەستکەوتى ناشەرعى بەشێوەیەکى کاریگەر بووەتە هۆى خنکاندنى ئەوەى ئەو کەرتە تایبەتە کەمەى لە عێراق هەیبوو، ئەوەش واتاى ئەوەیە دەرفەتێکى زۆرى دامەزراندن لە کەرتى گشتیدا نییە، ئەوەش بووەتە هۆى ئەوەى خەڵک بەشیوەیەکى سەرەکى پشت بە حکومەت ببەستن جا پلەى وەزیفى بێت یاخود موچە.

 

فۆڕن پۆلسی هێماى بۆ ئەوەشکردوە، میلیشیا چەکداریەکان کاردەکەن بۆ پڕکردنەوەى بۆشاییەکان و بینینى ڕۆڵى هێزە ئەمنیە سەرەکییەکان، ئەوەش دەبێتە هۆى دروستبوونى شەڕ لەنێوانیاندا بەهۆى هەوڵەکانیان بۆ کۆنتڕۆڵکردنى سەرچاوەکان وەک کێڵگە نەوتیەکان، بەندەرەکان، دەروازە سنوریەکان، کۆمپانیا گەورەکان، زەوى و زار و موڵکى تایبەت، بەوەش جارێکى تر کێشمەکێشى ناوخۆیى دروست دەبێت، لاى خۆشیانەوە تورکیا و ئێران دەستوەردان دەکەن بۆ مسۆگەرکردنى بەرژەوەندییەکان و ئەوەش ئەوەندەى تر کێشمەکێشەکان قوڵتر دەکات و بەشێوەیەکى سروشتی کار لە ئەمریکاش دەکات.

 

ڕاپۆرتەکە خەختی لەوەشەکردوەتەوە، لە شەش مانگى سەرەتاى دەسەڵاتیدا جۆ بایدن سەرۆکى هەڵبژێردراوى ئەمریکا ناتوانێت عێراق بخاتە کارە لە پێشینەکانى، ئەوەش بەهۆى ئەو ئاڵنگاریە ناوخۆییانە ڕوبەڕوى بونەتەوە لە دیارترینشین قەیرانى ئابوریى و پەتاى کۆرۆنا.