گه‌ڕان

Shadow Shadow
سیاسه‌تی

قەرەبوى بەشداربوان دەکرێتەوە؟

خزمەتگوزارییەکانى هێڵێکى پەیوەندى لە هەرێمى کوردستان رادەگیرێت 

2020.12.15 - 15:27
App store icon Play store icon Play store icon
خزمەتگوزارییەکانى هێڵێکى پەیوەندى لە هەرێمى کوردستان رادەگیرێت 

ناس کورد-

بڕیارە لە سەرەتاى ساڵى داهاتودا خزمەتگوزارییەکانى هێڵى فانۆس تلیکۆم لە هەرێمى کوردستان رابگیرێت بەبێ ئەوەى بەشداربووانى قەرەبوو بکرێنەوە و وتەبێژی وەزارەتی گواستنەوە و گەیاندنی حکومەتی هەرێمیش دەڵێت "ئەگەر بەشداربووان قەرەبوو نەکرێنەوە دەتوانن سکاڵا تۆمار بکەن".

 

کەناڵی ناس کورد لە تێلیگرام جۆین بکە   

"ناس کورد" زانیوویەتى هێڵی فانۆس تیلیکۆم (بۆ خزمەتگوزاری تەلەفۆن و ئینتەرنێت) تا کۆتایی ئەم مانگە کاردەکات و دواتر دادەخرێت و بۆ ئەوەش پەیوەندی بەژمارەیەک لە بەشداربووان کراوە کە ئەگەر کارتیان بۆ هێڵەکانیان کڕیوە دەتوانن بیگەڕێننەوە و باڵانسەکەیان پڕنەکەنەوە، جگە لەوەش هیچ قەرەبوویەک بۆ بەشداربووانی ئەو هێڵە ڕانەگەیەنراوە. 

 

دیلان رەشاد، وتەبێژی وەزارەتی گواستنەوەو گەیاندنی حکومەتی هەرێمی کوردستان (15ی کانونی یەکەمی 2020) بە "ناس کورد"ی راگەیاند، بەپێی یاساکانی وەزارەتی گواستنەوە هەر هێڵێکی پەیوەندی لەبوار تەلەفونات و ئینتەرنێت دادەمەزرێت بەپێی گرێبەستێک ئامێرەکانی دەداتە هاووڵاتیان و بەپێی ئەو گرێبەستەش لەکاتی داخستن و لەکارکەوتنی ئەو هێڵە دەبێت بەشداربووان قەرەبوو بکرێنەوە، باسی لەوەشکرد، بۆ داخستنی هێڵی فانۆس تیلیکۆم کە تایبەتە بە تەلەفون و ئینتەرنێت تا ئێستا هیچ ڕونکردنەوەیەک بە وەزارەتی گواستنەوە نەدراوە نازانین هۆکاری داخستنەکەی چییە؟.

 

راشیگەیاند، ئەگەر ئەو هێڵە دابخریت پێویستە قەرەبووی بەشداربووانی بکاتەوە، خۆ ئەگەر قەرەبووی بەشداربووانی نەکاتەوە دەتوانن سکاڵا تۆمار بکەن و ئێمەش بەدواداچوون لەبارەی سکاڵاکانیان دەکەین و هەوڵی جدی دەدەین قەرەبووی بەشداربووانی بکرێتەوە.

 

جەختی لەوەشکردەوە، لەسەر هۆکاری داخستنی ئێمە بەدواداچوونی جدی دەکەین و لە رۆژانی داهاتوو هۆکارەکەی ئاشکرا دەکەین.

 

"ناس کورد" بۆ دەسکەوتنی زانیاری زیاتر پەیوەندیکرد بە ڕاژەی بەشداربووانی ئەو هێڵە و ئەوەی پشتراستکردەوە کە هێڵەکە لە کۆتایی ئەم مانگە رادەگیرێت، بەڵام هیچ زانیارییەکی دیکەیان لەبارەی داخستنەکەی ئاشکرا نەکرد.