گه‌ڕان

Shadow Shadow
سیاسه‌تی

’’خۆخزاندنە ناو خۆپیشاندانەکان’’

مەسرور بارزانى زانیارى لەبارەى ’’هێرشەکانى پەکەکە’’ی گەیاندە ئەمریکا

2020.12.14 - 21:45
App store icon Play store icon Play store icon
مەسرور بارزانى زانیارى لەبارەى ’’هێرشەکانى پەکەکە’’ی گەیاندە ئەمریکا

ناس کورد-

مەسرور بارزانى، سەرۆکى حکومەتى هەرێم بە نێردەى تایبەتى ئەمریکاى بۆ سوریا ڕاگەیاند، سێ پێشمەرگە و کارمەندی ئاسایش لەسەر دەستى پەکەکە کوژراون و پەکەکە دەیەوێت خۆى بخزێنێتە ناو خۆپێشاندانی ئاشتییانەی هاوڵاتییانەوە.

کەناڵی ناس کورد لە تێلیگرام جۆین بکە   

 

بەپێی راگەیەنراوێکى نوسینگەى سەرۆک وەزیرانى هەرێم کە وێنەیەکى دەست "ناس کورد" کەوتووە ، مەسرور بارزانى (14ی کانوونی یەکەمی 2020) لەپەیوەندییەکى تەلەفۆنیدا لەگەڵ جۆیل رەیبێرن نێردەی تایبەتی ئەمەریکا بۆ سوریا، ئاماژەی بە هێرشی شەوی ڕابردووی پەکەکە کردووە بۆ سەر هێزی پێشمەرگە لە دەڤەری ئامێدی.

 

ڕوونیشیکردەوە، "لەم ماوەیەدا سێ پێشمەرگە و کارمەندی ئاسایش، لە سەر دەستی چەکدارانی پەکەکەوە شەهید کراون".

 

مەسرور بارزانى هۆشداریدا کە ئەو "هێرشانەی" پەکەکە و هەوڵەکانیان بۆ دەستێوەردان و خۆخزاندنە نێو خۆپێشاندانی ئاشتییانەی هاووڵاتییانی هەرێمی کوردستان، هەڕەشە لە سەقامگیریی ناوچەکە دەکات.

 

هەروەها جەختی کردەوە کە پێویستە ھێزەکانی سوریای دیموکرات (هەسەدە) لە ژێر هەژمونی پەکەکە بێتە دەرەوە و نابێت چیتر ڕێگە بدرێت پەکەکە سوود لەو هاوکاریانە وەربگرن کە پێشکەشی ھەسەدە دەکرێن.

me_ga.php?id=1823