ناس کورد-
مەلا بەختیار ئەندامى ئەنجومەنى سیاسی و بەرژەوەندى یەکێتى داواى ئازادکردنى زیندانیانى خۆپیشاندانەکان و کارکردن لەسەر کەیسەکانى گەندەڵى و "جاشی 140" دەکات.
کەناڵی ناس کورد لە تێلیگرام جۆین بکە
مەلا بەختیار لە لاپەڕەى خۆى لە فەیسبوک (14ی کانونی یەکەمی 2020) کە "ناس کورد" بینیویەتى نوسیویەتى، "لەناو خۆپیشاندەرەكاندا، نوسەر و سیاسەتمەداری دوای راپەڕین و ئەندام پەرلەمانی خولی پێشوو گیراون، باوەڕناكەم ئەمانە، پوشێكیان سوتاندبێ، بەڵكو ئاشكرا دژی توندوتیژیش قسەیان كردووە".
ئاماژەى بەوەشکردووە، "هەقە گیراوە سیاسیەكان ئازاد بكرێن، ئەوانەی بارەگا و بنكەشیان سوتاندوە، بە بەڵگە لەسەریان بسەلمێنن و یاسایان بسەپێننە سەر. ئەگەر هەڵسوڕاوە خاوەن هەڵوێستە مەدەنیەكان ئازاد نەكرێن، بێگومان گرتنەكەیان رەهەندی دژە دیموكراسی وەردەگرێ و لێكەوتەی خراپیشی لێدەكەوێتەوە".
مەلا بەختیار داواش لە حکومەت و پەرلەمان دەکات خۆیان بۆ ئەم کارانە یەکلایی بکەنەوە:
یەكەم: بۆ جاشەكانی 140 تەرخان بكات. جاشی 140 ئەوانەن لە كەركوك دروست كراوون و بۆ ناوچە كێشە لەسەرەكانی تریش ئەتەنێتەوە.
دوەم: بۆ چارەسەری موچەی خەڵك و پاشەكەوتی موچە؛ ئەمجارەیان باشتر لە جارەكانی پێشوو، وەفدی حكومەت لە بەغداد دانوستان دەكات، رەنگە بەم سیاسەتە نیمچە چارەسەرێك بدۆزرێتەوە.
سێهەم: بۆ كۆنترۆڵكردنی دەروازە سنوریەكان و نەوتی دزراوی بادینان و سۆران.
چوارەم: دانانی دادگای تایبەتی بۆ سزادانی گەندەڵەكان كە زیاتر لە (700) كەیسی گەندەڵكار لە دادگادا، كەڕووی هەڵهێناوە!!
