گه‌ڕان

Shadow Shadow
سیاسه‌تی

وردەکاریی

یەکەم هەڵوێستى حەشدى شەعبى لەبارەى پێکهێنانى حەشدى کوردى

2020.12.13 - 21:29
App store icon Play store icon Play store icon
یەکەم هەڵوێستى حەشدى شەعبى لەبارەى پێکهێنانى حەشدى کوردى

ناس کورد-

فەرماندەیەکى حەشدى شەعبى ڕەتیدەکاتەوە هیچ پەیوەندییەکیان بەو هێزەوە هەبێت کە بەناوى دەستەى حەشدى شەعبى کوردى دروستکراوە.

 

کەناڵی ناس کورد لە تێلیگرام جۆین بکە   

ئەبو ڕەزا نەجار فەرماندەى میحوەرى باکورى حەشدى شەعبى (یەکشەممە 13ى کانونى یەکەمى 2020) لە بەیاننامەیەکدا کە وێنەیەکى دەست "ناس کورد" کەوتووە رایگەیاندووە، هەندێک دەزگاى ڕاگەیاندن لێدوانى چەند کەسایەتییەکیان بڵاوکردوەتەوە کە باسى خواستى پەیوەندیکردنیان دەکەن بە هێزەکانى حەشدى شەعبى بەناوى حەشدى شەعبى کوردیەوە.

 

ڕونیشیکردوەتەوە، "ئەوە ئاشکرا دەکەین هیچ ڕەزامەندییەکى زارەکى و نوسراو نییە لەو بارەیەوە و داوا لە کەناڵەکانى ڕاگەیاندن دەکەین هەواڵ لەسەرچاوە فەرمییەکانەوە وەرگرتن لە داهاتوودا".

 

پێشتریش وەزارەتى ناوخۆى هەرێمى کوردستان رایگەیاندبوو، سەبارەت بەو هێزەى پێکهێنراوە پرسیاریان ئاراستەى دەستەى حەشدى شەعبى کردوە و ئەوا وەڵامیان ئەوە بووە کە هیچ شتێک سەبارەت بە پێکهێنانى ئەو فەوجە نازانن و پێکهێنانیشى بەدور دەزانن، بەڵێنیشیان داوە ئەو فەوجە هەڵوەشێننەوە ئەگەر دروستکرابوو، جا لە هەرێمى کوردستان بێت یاخود دەرەوەى هەرێم.