گه‌ڕان

Shadow Shadow
سیاسه‌تی

پۆلیسى ڕاپەڕین مەرجێک بۆ پشتگیرى خۆپیشاندانەکان دادەنێت

2020.12.12 - 20:34
App store icon Play store icon Play store icon
پۆلیسى ڕاپەڕین مەرجێک بۆ پشتگیرى خۆپیشاندانەکان دادەنێت

ناس کورد- 

بەڕێوەبەرایەتى پۆلیسى ڕاپەڕین پەیامێک ئاڕاستەى هاوڵاتیانى سنورەکە دەکات و داوایان لێدەکات خۆپیشاندانى هێمنانە بکەن، ئەوەش مەرجى پشتگیری کردنیانە بۆیان.

کەناڵی ناس کورد لە تێلیگرام جۆین بکە   

 

بەڕێوەبەرایەتى پۆلیسى ڕاپەڕین لە پەیامێکدا بۆ هاوڵاتیانى سنورەکە (شەممە 12ى کانونى یەکەمى 2020) ئاماژەى بەوەداوە، لەو چەند ڕۆژەدا خۆپیشاندانی بەشێک لە هاووڵاتیانی پارێزگا و ئیدارە سەربەخۆکانی هەرێم و بەتایبەت لە سنوری ئیدارەی ڕاپەڕین دەستی پێکردووە بەمەبەستی داوای چاکسازی لە حکومەت بۆ باشترکردنی ژیانی هاوڵاتیان و پێدانی موچەی تەواوی فەرمانبەران بۆ هەموو مانگێک.

 

ئەوەش هاتووە، ئەگەر خۆپیشاندان و گردبونەوەکان بەشێوەی هێمنانە ئەنجام بدرێت، ئێمەش وەک هەموتان پشتیوانی داواکاریەکان دەکەین کە لەکاتێکدا بنەبڕکردنی قەیرانەکان داوای ڕەوای هەموانە و ئێمەش وەک هێزی ئەمنی سنورەکە بێبەش نەبوین لەم قەیرانە بەتایبەت بە بڕینی موچە و پێنەدانی لەکاتی خۆیدا.

 

پۆلیسى ڕاپەڕێن جەختلەوەشدەکاتەوە، زیان گەیاندن بە شوێنە گشتیەکان و تایبەتەکان و سوتاندن و شکاندنی ترافیک لایت و هێماکانی هاتوچۆ و کابینەی پۆلیسی هاتوچۆ کارێکە زیان بە موڵکی گشتی دەگەیەنێت کە لە کاتێکدا ئەمانە بۆ خزمەتی گشتی بەکاردێن و موڵکی هەموانە.

 

ئەوەش هاتووە، داوا لەسەرجەم هاووڵاتیان دەکەین بۆ داواکردنی مافەکان بە شێوەی هێمنانە خۆپیشاندان ئەنجام بدەن تاکو دوور لە ئاژاوە و تێکدانی باری ئارامی و ئاسایشی سنورەکە داواکاریەکان بگاتە شوێنی خۆی، داواکارین خۆپیشاندەران زیاتر ئارام بگرن و ڕێز لە هێزە ئەمنیەکان بگرن چونکە ئێمە کوڕ و کەسوکاری ئێوەین و ئێوەش کەسوکاری ئێمەن وە بۆ خزمەتی ئێوە شەو و ڕۆژمان خستوەتە سەریەک تاکو خوێن لە ڕۆڵەی هیچ لایەکمان نەڕژێت و هەموو لایەکمان سەلامەت بین.  

 

ئاشکراشکراوە، تائێستا 38 ئەفسەر و پۆلیس بریندار بوون، داواش لەسەرجەم هێزە ئەمنیەکان دەکەن، زیاتریش ئارام بگرن بۆ سەرخستنی یاسا و پێداگری لە پاراستنی ئارامی و ئاسایشی سنورەکە، جێگای شانازیە بۆ هێزە ئەمنیەکان و خۆپیشاندەران تائێستا هیچ کەسێک بە چەک بریندار نەبووە و هیچ فەرمانگەیەک نەسوتێنراوە.