گه‌ڕان

Shadow Shadow
سیاسه‌تی

’’هەڵمەتى دەستگیرکردن بەردەوامى دەبێت’’

چوار بڕیار لە لیژنەى ئەمنى سلێمانى یەوە ’’باجى قورس و هێڵى سور’’

2020.12.11 - 21:21
App store icon Play store icon Play store icon
چوار بڕیار لە لیژنەى ئەمنى سلێمانى یەوە ’’باجى قورس و هێڵى سور’’

ناس کورد-

 

لیژنەى باڵاى ئەمنى لە سلێمانى چوار بڕیارى لەبارەى خۆپیشاندانەکانەوە دەکرد و رایگەیاند، هەڵمەتى دەستگیرکردن بەردەوامى دەبێت.

کەناڵی ناس کورد لە تێلیگرام جۆین بکە   

 

لیژنەکە لە راگەیەنراوێکدا کە وێنەیەکى دەست "ناس کورد" کەوتووە ئاماژەى بەوەکردووە، " تێکدانى بارودۆخى ئەمنى بەگشتى و بەتایبەت شارى سلێمانى خۆشەویست هێڵى سورە، هەروەک ڕاگرتنى جوڵەى ژیانى خەڵک و بەردەوامى خۆپیشاندانى بێ مۆڵەت باجێکى قورس و سزایەکى توندى یاسایى هەیە".

 

دەقى راگەیەنراوەکە:

 ڕاگەیاندراوێک لە لیژنەى باڵاى ئەمنى لە سلێمانی

سەربارى ڕاگەیاندنى ڕاگرتنى خۆپیشاندانە بێ مۆڵەتەکان لە ڕاگەیاندراوى ڕۆژى 9/12/2020 وە جێگەى نیگەرانیمانە ، هەندێک کەس و لایەن بۆ مەرامى کەسێتى و ئەجندا جیاجیا کانیان و خەونى بوون بە پاڵەوان و کێبڕکێ کردن بۆ خاوەن دارێتى شەپۆلی ناڕەزایەتییەکان لەسەر حیسابى ژیانى خەڵک، هەروەها بەلاڕێدا بردنى داواى ڕەواى مامۆستایان و فەرمان بەرانى بەڕێزى پشوو درێژ، لەئەنجامدا هەموویان یەکیان گرت بۆ تێکدانى بارودۆخى ئارامى لە پارێزگاى سلێمانى و هەڵەبجە و بەشێک لە قەزاو ناحیەکانى تر لە ئیدارە سەربەخۆکان:-

 

لیژنەى باڵاى ئەمنى لە سلێمانى بڕیاریدا بە:-

  1. لیژنەى باڵا دووپاتى دەکاتەوە تێکدانى بارودۆخى ئەمنى بەگشتى و بەتایبەت شارى سلێمانى خۆشەویست هێڵى سورە، هەروەک ڕاگرتنى جوڵەى ژیانى خەڵک و بەردەوامى خۆپیشاندانى بێ مۆڵەت باجێکى قورس و سزایەکى توندى یاسایى هەیە.

 

  1. هێزە ئەمنییەکان پلان و ڕێکارى نوێ و ڕێنمایی نوێیان پێدراوە کە بەزووترین کات ئارامى بگەڕێننەوە .

 

  1. هەڵمەتى دەستگیرکردن بەردەوامى دەبێت بۆ هەموو ئەوانەى کە پێشهێلی یاسا دەکەن و ڕۆڵیان هەیە لەبەردەوامیدان بەخۆپیشاندانە بێ مۆڵەتەکان وە ئەوانەى زیان دەگەیەنن بە موڵکى گشتى .

 

4. پێویستە کەناڵەکانى ڕاگەیاندن پابەند بن بە یاسا بەرکارەکان و خۆیان بپارێزن لە ئاڵۆزکردنی و شێواندنى بارو دۆخەکە و لە ڕوماڵەکانیاندا بەرپرسانەتر مامەڵە لەگەڵ دۆخەکە بکەن، بە پێچەوانەوە رووبەرووی سزای یاسایی و کارگێڕی توند دەبنەوە.

 

ڕاگەیانراوى لیژنەى باڵاى ئەمنى لە سلێمانى