گه‌ڕان

Shadow Shadow
سیاسه‌تی

لە شێلادزێ هێزە ئەمنییەکان سێ چالاکی تریان دەستگیرکرد

2020.12.11 - 11:26
App store icon Play store icon Play store icon
لە شێلادزێ هێزە ئەمنییەکان سێ چالاکی تریان دەستگیرکرد

ناس کورد-

بەیانی ئەمڕۆ هێزە ئەمنییەکان لە قەزای شێلادزێ لە دهۆک سێ چالاکی تریان بە تۆمەتی هەوڵدان بۆ خۆپیشاندان دەستگیرکرد.

کەناڵی ناس کورد لە تێلیگرام جۆین بکە   

 

بەپێی زانیارییەکانی ناس کورد، هێزە ئەمنییەکان چوونەتە سەر ماڵی ئەو چالاکانە و دەستگیریان کردوون، لەئێستادا شەش چالاکی ئەو قەزایە دەستگیراون بە تۆمەتی هەوڵدان بۆ ئەنجامدانی خۆپیشاندان.

 

هاوکات ئەمڕۆ عەلی حەمە ساڵح، پەرلەمانتارانی فراکسیۆنی گۆڕان دەستگیرکردنی ئەو سێ چالاکەى پشتڕاست کردەوە وتی، هەڵمەتی ڕەشبگیری گەنجان لەلایەن هێزە ئەمنییەکانەوە بەردەوامە و نزیکەى 400 گەنج لە سەرانسەری هەرێمی کوردستان دەستگیرکراون.

 

رۆژى (2 کانونی یەکەمی 2020) خۆپیشاندان لەدژى دواکەوتنى موچەى فەرمانبەران و خراپى دۆخى دارایی لە سلێمانیەوە دەستیپێکرد و رۆژى دواتر خۆپیشاندانەکە گرژى لێکەوتەوە، کاتێک هێزە ئەمنییەکان هەوڵیاندا رێگرى بکەن لە دەستپێکردنەوەى خۆپیشاندان.

 

رۆژانى دواتر خۆپیشاندان لە چەند ناوچەیەکى دیکەى سنورى پارێزگاى سلێمانى بەڕێوەچوو، رۆژى (6ى کانونى یەکەمى 2020) خۆپیشاندان لە پیرەمەگرون گرژى لێکەوتەوە و خۆپیشاندەران کۆمیتەى یەکێتى یان سوتاند و هەوڵى سوتاندنى بارەگاى پارتیاندا بەڵام لەلایەن پاسەوان و هێزێکى زۆرەوە دورخرانەوە.

 

رۆژى (7ی کانونی یەکەمی 2020) ژمارەیەک لە خەڵکانى ناڕازیی لە سەیدساق و دەربەندیخان و کفری و کەلار و چەمچەماڵ و هەڵەبجە و چەند شارێکی ڕژانە سەر شەقام و بارەگا حزبییەکانى پارتى و یەکێتى و گۆڕان و کۆمەڵ و یەکگرتوو و چەندی بینایەکی تری حکومی لەو شارانە سوتێنران.

 

تائێستا بە کۆی گشتی، هەشت کەس لە چەمچەماڵ، دەربەندیخان، کفری، سەیدسادق و تەکیە کوژراون، زیاتر لە 100 برینداریش لە ڕیزی خۆپیشاندەران و هێزە ئەمنییەکان تۆمار کراون.