کەناڵی ناس کورد لە تێلیگرام جۆین بکە
ماڵپەڕى پۆڵیتیکۆی ئەمريكى لە زارى بەرپرسێكى ئەمريكييەوە كە ناوى نەهێنراوە بڵاويكردوەتەوە، ئەمريكا هێزەكانى خستوەتە حاڵەتى ئامادەباشيەوە، بەتايبەتى وەزارەتى بەرگرى لە نزيكەوە بەدواداچون بۆ ئەو سەرە داوانە دەكات كە ئاماژەن بۆ ئەوەى گروپە چەكداريەكانى سەربە تاران ئامادەكارى دەكەن بۆ هێرش بە تایبەت لە عێراق.
ماڵپەڕەكە ئەوەشى ئاشكراكردوە، لەماوەى ڕابردودا گروپە ميليشياكانى سەربە ئێران هێرشەكانيان دژى هێزەكانى ئەمريكا لە عێراق ڕاگرتووە، ئەوەش دواى نزيكەى تێپەڕبوونى ساڵێك بەسەر بۆردومانكردنى سەربازگەى "عين الاسد"، كە وەك وەڵامدانەوەى كوشتنى قاسم سولەيمانى فەرماندەى پێشووى فەيلەقى قودسى ئێرانى بوو.
ئەو بەرپرسە ئەمريكييە ڕونيشيكردوەتەوە، ئەو جوڵانە بۆ ڕێگەگرتنە لە ئێران بۆ ئەنجامدانى هەر هەنگاوێكى دوژمنكارانە دژى ئەمريكا و هاوپەيمانى نێودەوڵەتى، پنتاگۆن نيگەرانە لەوەى كە ئەگەرى هەيە ئێران ئەم ماوەيە كە تێيدا لە ئەمريكا دەسەڵات دەگوازرێتەوە و بەشێك لە هێزەكانيشى لە عێراق و ئەفغانستان دەكشێنێتەوە وەك هەل بەكاربهێنێت، بەتايبەتى كە ئێستا ساڵيادى كوشتنى قاسم سولەيمانى نزيك بووەتەوە.
جەختی لەوەشكردوەتەوە، بەهۆى هەموو ئەوانەوە ئەمريكا هەنگاوى بەرگرى بەهێز لە ناوچەكەدا دەنێت و هەنگاوەكانى پنتاگۆن هێرشبردن نين و پلانى هێرش بوونى نييە.
