گه‌ڕان

Shadow Shadow
سیاسه‌تی

لەبارەى پەکەکە قسە دەکات

وەزیری بەرگریی عێراق: پرسیاری بۆردومانەکانم لە باڵیۆزی تورکیا کرد بەڵام بێدەنگ بوو

2020.12.11 - 08:25
App store icon Play store icon Play store icon
وەزیری بەرگریی عێراق: پرسیاری بۆردومانەکانم لە باڵیۆزی تورکیا کرد بەڵام بێدەنگ بوو

ناس کورد-

وەزیری بەرگریی عێراق ڕایگەیاند، چوار مانگ لەمەوپێش چاوی بە باڵیۆزی تورکیا لە عێراق کەوتووە و باسیان لە شەڕی پەکەکە کردووە و دەڵێت، "پێم وت ڕازی دەبن ئێمە بۆردومانی داعش بکەین لەناو خاکی تورکیا؟ بەڵام هیچی نەوت و بێدەنگ بوو."

کەناڵی ناس کورد لە تێلیگرام جۆین بکە   

 

جومعە عیناد، وەزیری بەرگریی عێراق لە چاوپێکەتنێکی ڕۆژنامەنوسیدا کە ناس کورد بینیویەتی (11ی کانونی یەکەمی 2020) دەڵێت، تورکیا سەرقاڵبوونی عێراقی بە شەڕی داعشەوە قۆستووەتەوە و سەروەری خاکی عێراق پێشێل دەکات.

 

دەشڵێـ، "تەمەنی سوپای عێراقی 100 ساڵ نابێت، هەروەها زۆرێک لە تواناکانی لەدەستداوە، تەنانەت ساڵی 2004 هەڵوەشێنراوەتەوە و زۆربەى توانا ولێهاتووییەکەى بە هەوا چووە."

 

لەبارەى دۆخی شنگالەوە، جومعە عیناد وتی، "بابەتی شنگال و بوونی پەکەکە لەوێ بەراورد ناکرێـت بە هەرێمی کوردستان، چونکە بەشێک لە هێزەکانی پەکەکە لەسەر چیای شنگالن و بەشێکی تریشیان خۆیان ئێزیدین و پێیان دەڵێن یەبەشە، مەترسییەکی ئەوتۆ دروست ناکەن، هێزە عێراقییەکان پشتی چیای شنگالیان گرتووە و ئێمە کۆنتڕۆڵمان کردووە، بەڵام لەناوخۆی شنگال کێشە و ناکۆکی هەیە و بابەتێکی ئاڵۆزە."