گه‌ڕان

Shadow Shadow
سیاسه‌تی

زانیارى زیاتر

شەرقولئەوسەت: سەپاندنى قەدەغەى هاتوچۆ بۆ کۆتایی هێنانە بۆ خۆپیشاندانەکان

2020.12.10 - 16:47
App store icon Play store icon Play store icon
شەرقولئەوسەت: سەپاندنى قەدەغەى هاتوچۆ بۆ کۆتایی هێنانە بۆ خۆپیشاندانەکان

ناس کورد-

 

ڕۆژنامەیەکى عەرەبى چاپى لەندەنى بڵاویکردەوە، مەبەست لەسەپاندنى قەدەغەى هاتوچۆى نێوان سلێمانى و شاروچکەکانى تر بۆ کۆتایی هێنانە بە خۆپیشاندانەکان.

کەناڵی ناس کورد لە تێلیگرام جۆین بکە   

 

ڕۆژنامەى شەرقولئەوسەت (10ى کانوونى یەکەمى 2020) لەڕاپۆرتێکدا کە ناس کورد بەدواداچوونى بۆ کردووە لەسەر زارى سەرچاوەیەکى ئەمنیى سلێمانى یەوە ئاماژەى بۆ ئەوەکردووە، ئامانجى سەرەکى هێزە ئەمنیەکان ڕێگریکردنە لەنانەوەى پشێوى بۆیە ئەو قەدەغەکردنە ڕاگەیەنراوە تاوەکو ڕێگە بگیردرێت لەپەڕینەوە توندوتیژییەکان بۆ ناوچەکانى تر.

 

ڕۆژنامەکە دەشڵێت، لەدواى ڕوداوەکانى ئەمدواییەى ناوچەکانى سلێمانى، یەکێک لەو ڕێگا چارەیەى بەرپرسانى هەرێم گرتیانە بەر ئەوەیە هەوڵى ڕێککەوتن لەگەڵ بەغدا بدەن بەمەبەستى دابینکردنى موچەى فەرمانبەران.

 

لەوبارەیەوە سەرچاوەیەک لەحکومەتى هەرێم  وتویەتى، دانوستانەکانى نێوان شاندى هەرێم و نوێنەرانى حکومەتى فیدراڵ بەردەوامە و کۆبونەوەى تریش لەگەڵ بەرپرسانى پەیوەندیدار بەپرسە هەڵواسراوەکانى نێوان هەرێم و بەغدا بەڕێوە دەچێت.

 

رۆژى (2 کانونی یەکەمی 2020) خۆپیشاندان لەدژى دواکەوتنى موچەى فەرمانبەران و خراپى دۆخى دارایی لە سلێمانیەوە دەستیپێکرد و رۆژى دواتر خۆپیشاندانەکە گرژى لێکەوتەوە، کاتێک هێزە ئەمنییەکان هەوڵیاندا رێگرى بکەن لە دەستپێکردنەوەى خۆپیشاندان.    

  

رۆژانى دواتر خۆپیشاندان لە چەند ناوچەیەکى دیکەى سنورى پارێزگاى سلێمانى بەڕێوەچوو، رۆژى (6ى کانونى یەکەمى 2020) خۆپیشاندان لە پیرەمەگرون گرژى لێکەوتەوە و خۆپیشاندەران کۆمیتەى یەکێتى یان سوتاند و هەوڵى سوتاندنى بارەگاى پارتیاندا بەڵام لەلایەن پاسەوان و هێزێکى زۆرەوە دورخرانەوە.    

  

رۆژى (7ی کانونی یەکەمی 2020) ژمارەیەک لە خەڵکانى ناڕازیی لە سەیدساق و دەربەندیخان و کفری و کەلار و چەمچەماڵ و هەڵەبجە و چەند شارێکی ڕژانە سەر شەقام و بارەگا حزبییەکانى پارتى و یەکێتى و گۆڕان و کۆمەڵ و یەکگرتوو و چەندی بینایەکی تری حکومی لەو شارانە سوتێنران.    

  

تائێستا بە کۆی گشتی، حەوت کەس لە چەمچەماڵ، دەربەندیخان، کفری، سەیدسادق و تەکیە کوژراون، زیاتر لە 100 برینداریش لە ڕیزی خۆپیشاندەران و هێزە ئەمنییەکان تۆمار کراون.