گه‌ڕان

Shadow Shadow
سیاسه‌تی

برینى یەکێکیان سەختە

لە شارۆچکەى عەربەت چوار خۆپیشاندەر بریندار کران

2020.12.09 - 21:31
App store icon Play store icon Play store icon
لە شارۆچکەى عەربەت چوار خۆپیشاندەر بریندار کران

ناس کورد- 

لە خۆپیشاندانەکانى شارۆچکەى تانجەرۆ "عەربەت" چوار خۆپیشاندەر بریندارکران و بەپێى زانیاریەکانیش برینى یەکێکیان سەختە.

 

کەناڵی ناس کورد لە تێلیگرام جۆین بکە   

پەیامنێرى "ناس کورد" رایگەیاند، ئەمشەو (چوارشەممە، 9ى تشرینى دوەمى 2020) ژمارەیەک خۆپیشاندەر چونەتە بەردەم بارەگاى ناوچەى پارتى لە ناحیەى تانجەرۆ و گرژى دروست بوە.

 

وتیشى، خۆپیشاندەران لەبەردەم بارەگاى ناوچەى پارتى گردبوونەوە و بەتەقەى پاسەوانەکانى ئەو بارەگایە چوار  خۆپیشاندەر بریندار بوون". 

 

پەیامنێرى "ناس کورد" جەختى کردەوە،  برینى یەکێک لە بریندارەکان سەختە و گەیەنراوەتە نەخۆشخانەى شار لە شارى سلێمانى و لەوێ چارەسەر وەردەگرێت.

 

بەپێى ئەو زانیاریانەى لەسەرچاوەیەکى نزیکەوە "ناس کورد" دەستیکەوتووە، بریندارەکە ناوى "ئارام جەلال"ە و بارودۆخى تەندروستى جێگیر نییە و تا ئامادەکردنى ئەم هەواڵە پزیشکانى نەخۆشخانەى شار سەرقاڵى چارەسەرکردنیین.