گه‌ڕان

Shadow Shadow
سیاسه‌تی

وردەکاریى

عەقیدێکى پێشمەرگە لەناو خۆپیشاندانەکاندا گیانى لەدەستدا

2020.12.09 - 18:03
App store icon Play store icon Play store icon
عەقیدێکى پێشمەرگە لەناو خۆپیشاندانەکاندا گیانى لەدەستدا

ناس کورد- هەڤاڵ فەتاح 

 قایمقامی قەزای دوکان ڕایگەیاند، بەهۆی ڕوبەروبونەوە لەگەڵ خۆپیشاندەران لەسەر ڕێگای نێوان گوندی قەمچۆغە و قەزاکە، ئەفسەرێکی پێشمەرگە بە پلەی عەقید گیانی لەدەستداوە.

 

کەناڵی ناس کورد لە تێلیگرام جۆین بکە   

سیروان سەرحەد، قایمقامی قەزای دوکان لە لێدوانێکی بۆ" ناس کورد" (٩ی کانونی یەکەمی ٢٠٢٠) ڕایگەیاند "ئێوارەی ئەمڕۆ کۆمەڵێک گەنج ڕێگەی نێوان گوندی قەمچۆغە و قەزای دوکانیان داخست، بەڵام دوای گەیشتنی هێزە ئەمنییەکان و هێزەکانی پێشمەرگە بۆ ئەو شوێنە  بە مەبەستی کردنەوەی ڕێگاکە ڕوبەروبونەوە لەنێوان ئەو کۆمەڵە گەنجە خۆپیشاندەرە دروست بووە، لە ئاکامدا ئەفسەرێکی پێشمەرگە بەپلەی عەقید گیانیلەدەستدا".

 

 وتیشی "ئەو ئەفسەرەی کە لە ڕوبەربونەوەکەدا گیانیلەدەستداوە ناوی (حەمزە حەمەد ئەمین)ە و تەمەنی سەروی پەنجا ساڵەوەیە".

 

 لەبارەی چونێتی گیانلەدەستدانی ئەفسەرەکەی پێشمەرگە قایمقامی دوکان وتی "ئەفسەرەکە لە ڕوبەروبونەوە لەگەڵ خۆپیشاندەراندا گیانیلەدەستداوە، بەڵام ئەوەی تێبینی کراوە هیچ ئاسەوارێکی گولـە بە جەستەیەوە نییە، نازانین هۆکاری گیانلەدەستدانەکەی چییە، بۆیە لە ئێستادا تەرمەکەی ڕەوانەی پزیشکی دادی لەسلێمانی کراوە بۆ ئەوەی بەوردی بزانرێت هۆکاری گیانلەدەستدانەکەی بە چ شێوەیەک بووە".