گه‌ڕان

Shadow Shadow
سیاسه‌تی

ئەرکی حکومەتە

ڕێواس فایەق: پرسی موچە بە پەرلەمان چارەسەر ناکرێت ئەگەرنا کۆبوونەوە ئاسان بوو

2020.12.09 - 15:16
App store icon Play store icon Play store icon
ڕێواس فایەق: پرسی موچە بە پەرلەمان چارەسەر ناکرێت ئەگەرنا کۆبوونەوە ئاسان بوو

ناس کورد-

سەرۆکى پەرلەمانى کوردستان وەڵامی پەرلەمانتارانی ناڕازی دایەوە و دەڵێت، پرسی موچە بە دانیشتنی پەرلەمانی کوردستان چارەسەر ناکرێت و جەحت دەکاتەوە کە ئەگەر "بزانین دانیشتنێک دەبێتە هۆى گەرمکردنەوەى گیرفانى موچەخۆرانى کوردستان لەماوەى 48 کاتژمێردا کۆبونەوە دەکەین." 

کەناڵی ناس کورد لە تێلیگرام جۆین بکە   

 

ئەمرۆ پەرلەمانتارانی ناڕازی لە پەرلەمانی کوردستان کە ژمارەیان 37 پەرلەمانتارە، بڕیاریان دا لەناو هۆڵی پەرلەمان مان بگرن تاوەکو "ئەنجامدانی چاکسازی ڕاستەقینەوە و ئەنجامدانی دانیشتنەکانی پەرلەمان بە ئامادەبوونی سەرۆکی حکومەت و جێگرەکەى".

 

ڕێواز فایەق، سەرۆکى پەرلەمانی کوردستان لە کۆنفرانسێکی ڕۆژنامەنوسیدا کە ناس کورد بینیویەتی وتی، "بژاردەى مانگرتن و پێشکەشکردنی یاداشت بۆ ئەنجامدانی کۆبوونەوەکانی پەرلەمان بژاردەیەکی دیموکراسیانە و یاسایی و دەستورییە، مافی خۆیانە داواکارییان هەبێت."

 

جەختی کردەوە کە "دانیشتنەکانی پەرلەمانی کوردستان بەگوێرەى پێویستییە، بەپێی کاریگەرییەتی لەسەر دۆخی موچەخۆرانی کوردستان، دەمەوێت زۆر بە روونی بیڵێم، ئەگەر بزانین دانیشتنێکی پەرلەمانی کوردستان دەبێتەهۆی گەرمکردنەوەى گیرفانی موچەخۆران هەرێم، ئەمڕۆ ڕایدەگەیەنین و 48 کاتژمێری تر دانیشتن ئەنجام دەدەین."

 

باسی لەوەشکرد کە "ئێمە لە پەرلەمانی کوردستان لە پەیوەندی بەردەوامین لەگەڵ سەرۆکایەتییەکانی هەرێم و عێراق، بەڵام لەئێستا هیچ بەرنامەیەکمان نییە بۆ کۆبوونەوە هەتاوەکو دڵنیا نەبین کاریگەری دەبێت لەسەر ژیانی خەڵک."

 

هێمای بۆ ئەوەشکرد، "جەخت دەکەینەوە لەسەر پابەندبوونی هەرێمی کوردستان بە یاسای پڕکردنەوەى کورتهێنانی داراییە، هەروەها شاندەکانی هەرێمی کوردستان کار بکەن بۆ گەیشتن بە ڕێککەوتن."

 

باسی لەوەشکرد، "ئەگەر پێویست بێت کۆبوونەوە دەکەین، بەڵام پێمانوایە لە کۆبوونەوەى پەرلەمان گرنگتر ئەوەیە هانی لایەنەکان بدەین بۆ ڕێککەوتن چونکە بابەتی موچە و شایستە داراییەکانی خەڵکی کوردستان و ڕادەستکردنی داهات بابەتێکی دەستوریی و یاسایین."